DI NIÑIK KIKI BIKRISTEN
Bôdôl Yéhôva ñem i ngéda ba nyumbla we
I ngéda mut a nyumbla bés, hala a nla boñ le di modop. Ibale ba ntééñga bés inyu hémle yés, hala a nla boñ le maada més ni Yéhôva ma tomb. Kii u nla boñ ibale ba nyumbla we?
Ngandak bagwélél ba Yéhôva i bi yémbél i ndutu i, inyule ba bi bôdôl Yéhôva ñem. (Tjémbi 18:17) Kiki ’héga, Éster a bi pot, a yelel i béba jam i béba mut nunu le Haman a bé sômbôl boñ. (Éster 7:1-6) Ilole a nke i yelel i jam li, a bi éba le a mbôdôl Yéhôva ñem mu kiki a bi sôga je. (Éster 4:14-16) Yéhôva a bi sayap nye, a sôñ nye ni litén jé.
A mañge wanda, ibale mut a nyumbla we, bat Yéhôva mahôla. I mbus, añle nhôôlak mankéé i jam li. A nla ba ngwal woñ. Ba nkwoog nkaa le Yéhôva a nla hôla we ndik kiki a bi hôla Éster. Kii ipe u nla boñ i ngéda mut a nyumbla we?
BÉÑGE VIDÉÔ INI LE NIÑ I MAÑGE WANDA—KII ME NLA BOÑ I NGÉDA MAÑGE A NYUMBLA ME?, I MBUS TIMBHE MAMBADGA MANA:
-
Bimbe biniigana boñge ba wanda ba nla ôt munu jam li bi pémél Charlie ni Ferin?
-
Lelaa bagwal ba nla gwélél ndémbél i Charlie ni i Ferin inyu hôla bon bap i yémbél i ndutu i?
