An mga bully puwede kitang kulgan sa pisikal asin emosyonal na paagi. Puwede pa ngani nindang mapaluya an satong espirituwalidad kun makamati na kita nin takot pag kinokontra ninda an satong pagsamba. Paano mo mapoprotektaran an saimong sadiri pag may nambu-bully saimo?

Dakul sa mga parasamba ni Jehova an mapangganang naatubang an mga bully paagi sa pagsarig ki Jehova. (Sal 18:17) Halimbawa, si Esther nagtaram para ihayag an mga plano kan maraot na bully na si Haman. (Est 7:​1-6) Bago niya iyan ginibo, ipinahiling niya an pagsarig niya ki Jehova paagi sa pag-ayuno. (Est 4:​14-16) Binendisyunan ni Jehova an saiyang mga ginibo asin prinotektaran siya saka an banwaan Niya.

Mga hoben, kun may mam-bully saindo, hagadon an tabang ni Jehova asin makipag-ulay sa sarong maygurang na adulto, arog kan saindong mga magurang, manungod sa saindong problema. Makakasiyerto kamo na tatabangan kamo ni Jehova arog kan pagtabang niya ki Esther. Ano pa an mga puwede nindong gibuhon para maatubang an pambu-bully?

HILINGON AN VIDEO NA AN BUHAY KO BILANG TIN-EDYER—PAANO KO MADADAOG AN PAMBU-BULLY? DANGAN SIMBAGON AN MINASUNOD NA MGA HAPOT:

• Ano an manunudan kan mga hoben sa halimbawa ni Charlie asin Ferin?

  An simbag mo

• Ano an manunudan kan mga magurang sa mga sinabi ni Charlie asin Ferin manungod sa kun paano ninda matatabangan an saindang mga aki na maatubang an pambu-bully?

  An simbag mo