Je-mɔ́-nyɔ̀ ɓè ɓɛ́ìn à bũ̀in puàà kè à hwòɖò-dyùàɔ̀ síàà. Wa ɓɛ́ìn à kpéí hwɔɔ ɖé zùùn dyɛ mɔ̀ùn, ɔ jù ké wa dyi à ɓiè-ɓièɔ̀ gbo vɔ̃ ké ɔ dyi à fã̀ùn po ní. Xwɛ̀ m̀ ɓɛ́ìn m̀ mìɔùn dyí gmɔ̀ɔ̀ ɖé je-mɔ́-nyɔ̀ ɖò xwaún wɛ̃́?

Jɛhova ɓiè-nyɔ̀ pàɖà ɓè ɖà jè-mɔ́-nyɔ̀ ɓè wɔ̃ zi dyììn ɖé Jɛhova hwòɖò-kɔ̃-dè-dè mú. (Wɛ́ 18:17) Ɔ hwɔìn-kà, Ɛsɔ́ɖɔ́ wùɖù ma ɓɛ́ ɔ ké ma je-mɔ́-nyɔ̀ nyìnììn hwòɖò kɔ̃in ɖò kɔ̃̀ nyɛ́nɛ́ mɔ̀ ma Hémà kɛɛ dyí-sɔ̃-ɖɛ̀ ɓè ce dyí dyà. (Ɛs 7:1-6) Hwɛ̀ ɔ kéɛ ma náa nyuɛɛ, ɔ tɛ̀mɛ̀ìn ma kà ɔ dè ma Jɛhova hwòɖò kɔ̃ɛ dyììn ɖé wɔ̃ kɔ̃ hwèɖèìn-hwèɖèìn mú. (Ɛs 4:14-16) Jɛhova po ma ɔ nyuu-ɖɛ̀ ɓèɔ̀ mana kɔ̃, ké ɔ gmɔ̀ ma ɔ kè Geɖepɔɔ nyɔ ɓèɔ̀ dyí.

Ɔ jù ké nyɔ ɖò dyi m̀ je mɔ́ ní, m̀ mɛ nì kà Ɛsɔ́ɖɔ́ nì ma kà kɛ, ɓɛ́ m̀ ké Jɛhova gbo-kpá-sɔ̃̀ zɔ̀ìn, kè ɓɛ́ m̀ ké nyɔ hwɛ̀ ɖɛ ɓè hwɔìn kà nì wóɖóìn-nyɔ̀ ɓè gbo wùɖù ɓá nì fũ̀à-fṹáɔ̀ jè dyí. M̀ ɓɛ́ìn hwòɖò kɔ̃ dèɛ̀ wáɖáá kà Jɛhova mu m̀ gbo kpáùn kà ɔ kpá ma kà Ɛsɔ́ɖɔ́ gboɛ. Ðɛ́ kà kò ɖò m̀ ɓɛ́ìn nyuɛ ɓɛ́ m̀ ké je-mɔ́-mɔ́ wɔ̃ zi kɛ́?

DYÉ VÍÐÒ MƆ̀À, NÍ NYƆ-GMƆ̀-TÌÌN—XWƐ̀ Ḿ ƁƐ́ÌN JE-MƆ́-MƆ́ WƆ̃ ZIƐ KƐ́? KƐƐ DYI, NÌÍ, ƁƐ́ ƁÈ KÉ DYI-DIÈ-ÐƐ̀ ƁÈ KƆÀ ƁÓ DYÍƐƐ GƆ̃̀ JÙ:

• Ðɛ́ nyɔ-gmɔ̀ ɓè ɓɛ́ìn Caɖé kè Fɛ́wíɖììn xwaún cɛ̃́ɛ kɛ́?

  Nì gɔ̃̀-jù-wùɖùɔ̀

• Ðɛ́ wóɖóìn-nyɔ̀ ɓè ɓɛ́ìn cɛ̃́ɛ ɖé ɖɛ Caɖé kè Fɛ́wíɖììn cɛ̃à ɓá dyú ɓè gbo kpá jè dyí ɓɛ́ wa ké je-mɔ́-nyɔ̀ ɖò wɔ̃ ziɛɛ mú kɛ́?

  Nì gɔ̃̀-jù-wùɖùɔ̀