Sanga kita i-bully, banci saja suin kita ntah pe sedih siakap. Selain si e, banci ka kita dungna ndauh arah Jahwe adi mbiar kita man kalak si rate segat man Saksi Jahwe. Kai nge si banci silakoken sanga kita i-bully?

Enterem umat Jahwe si enggo berhasil ngadapi pem-bully perban andalkenna Jahwe. (Ms 18:17) Contohna, pang Ester nceritaken rencana jahat sekalak pem-bully si gelarna Haman. (Est 7:​1-6) Engkai maka pang Ester? Perban andalkenna Jahwe. Buktina, puasa ia lebe maka bongkarna rencana jahat e. (Est 4:​14-16) Hasilna, pasu-pasu Jahwe kai si lakokenna e janah lindungi Jahwe ia bage pe bangsana.

Kena anak muda, uga nge kena banci ngusih Ester sanga i-bully? Pindolah penampat Jahwe, janah ceritaken masalah e man kalak si enggo dewasa si banci nampati kena, contohna orang tua kena. Teklah, pasti isampati Jahwe kena bagi Ia enggo nampati Ester. Kai deba nari si banci nampati kena sanga i-bully?

TONTONLAH VIDEO SANGA AKU REMAJA—UGA CARAKU NGADAPI PEM-BULLY? JANAH JAWAP PENUNGKUNEN ENDA:

• Kai nge si banci ipelajari anak muda arah Charlie ras Ferin?

  Jawapenndu

• Guna nampati anak-anak ngadapi pem-bully, kai nge si banci ipelajari orang tua arah pengalamen Charlie ras Ferin?

  Jawapenndu