LIV YU LAIF AZ WAHN KRISTYAN
Chros Jehoava Wen Sombadi Di Buli Yu
Wahn buli ku hert yu fizikali ahn mek yu feel sad er dipres. Dehn ku eevn damij yu rilayshanship wid Jehoava if yu geh fraitn bikaaz dehn deh gens weh yu bileev eena. How yu ku protek yuself wen sombadi di buli yu?
Wahn lata Jehoava servants mi aybl fi deel wid wahn buli bikaaz dehn mi pen pahn Jehoava. (Ps 18:17) Fi egzampl, Ester mi taak op bowt di plan weh wahn eevl buli weh mi naym Hayman mi ga. (Es 7:1-6) Bifoa shee mi du dat, Ester mi shoa dat ih mi chros Jehoava wen shee mi faas. (Es 4:14-16) Jehoava mi bles Ester fi weh ih mi du, an hihn mi protek shee an Ih peepl.
If yu da wahn yong persn ahn sombadi di buli yu, aks Jehoava fi help yu ahn taak tu wahn machoar adolt, laik yu payrents, bowt weh di hapm. Yu ku bee shoar dat Jehoava wahn help yu jos laik how ih mi help Ester. Wat els yu ku du wen sombadi di buli yu?
WACH DI VEEDYO WEH NAYM MAI LAIF AZ WAHN TEENAYJA—WEH AI KU DU IF DEHN BULI MI DA SKOOL? AHN DEN ANSA DEHNYA KWESCHAN:
-
Weh yong peepl ku laan fahn Charlie ahn Ferin egzampl?
-
Weh payrents ku laan fahn weh Charlie ahn Ferin seh bowt how dehn ku help dehn chiljren fi deel wid wahn buli?
