Gayaraati ladügün ledemahóun bun lun wuriba lan basandiragun bungua. Ánhawa ígiraguagüda woungua houn ha máhabaña lun wafiñen gayaraabei lagadeiruni wamadagua luma Heowá. Ida luba bóunigiragun bungua anhein ledemahouña lubéi bun?

Buiti lidin houn saragu gürigia lau lídehan Heowá dan le hararamun houn ha edemahabaña houn (Sal 18:17). Kéiburi, dan le labusenrunbei aban wügüri salufuriti gíriti Amán ladügün wuribani houn lumutuniña Bungiu, aba tarufudun Esütérü ganigi ani aba tabuyaruni (Esü 7:​1-6). Lubaragiñe tadügüni katei le, aba tayunarun lun tarufuduni megei tani lídehan Heowá (Esü 4:​14-16). Biní lumutu Heowá lau sun le tadügübei ábati lóunigirunu ani góunigi laaña giñe sun lumutuniña.

Anhein ledemahouña lubéi bun, amuriahabá ídemuei luma Heowá ani abahüdahabei lun aban gürigia wéiyaali, kéiburi lun búguchi o tun búguchu. Gayaraati bachoururuni líderagubadibu lan Heowá ítara kei líderagunu Esütérü. Ka amu katei gayaraabei badügüni anhein hañawarihaña lubéi bun?

LÁRIGIÑE HARIHINI BIDÉU DAN LE NIBUREINGIDIBU: KABA NADÜGA ÁNHAÑA EDEMAHAN NUN?, ÓUNABA HUMÉI ÁLÜGÜDAHANI BURÍ LE:

• Ka gayaraabei hafurendeirun nibureintiña lúmagiñe Charlie luma túmagiñe Ferin hénpulu?

  Óunabagülei

• Ka gayaraabei hafurendeiruni agübürigu lídangiñe bidéu le?

  Óunabagülei