Ri bullying nuʼän chë nqïl qayabʼil chqä nuyaʼ bʼis pa qan. Ye kʼa nkowin chqä nutzʼlaʼ ri qachbʼilanïk rkʼë Jehová we ma nqayaʼ ta chik ruqʼij ryä xa rma ri nkʼaj chik itzel yetzjon o yetzeʼen chqij rma ri nqanmaj. ¿Achkë ütz naʼän rït we najin nbʼan bullying chawä?

Ye kʼïy kipabʼan kiʼ chwäch ri bullying rma kikʼutun kitoʼik che rä Jehová (Sl 18:17). Jun tzʼetbʼäl, Ester ma xxiʼij ta riʼ xuʼij che rä ri qʼatöy tzij achkë ruchʼobʼon nuʼän Hamán, jun itzel achï ri nrajoʼ wä nutzʼlaʼ rutinamit Dios (Est 7:1-6). Ye kʼa taq majanä tuʼän riʼ, ryä xuʼän ayuno rchë xkʼüt chë rukʼuqbʼan rukʼuʼx chrij Jehová (Est 4:14-16). Jehová xyaʼ utzil pa ruwiʼ Ester rma ri xuʼän chqä xchajij ryä chqä rutinamit.

We rït najin nbʼan bullying chawä achiʼel xbʼan che rä Ester, takʼutuj atoʼik che rä Jehová chqä tatzjoj ri najin naqʼaxaj che rä jun winäq ri akʼuqbʼan akʼuʼx chrij, achiʼel ateʼ o atat. Ütz nayaʼ chwäch awan chë Jehová xkaturtoʼ pä achiʼel xtoʼ Ester. ¿Achkë nkʼaj chik yakowin naʼän rchë napabʼaʼ awiʼ chwäch ri bullying?

TAQ XATZʼËT YÄN RI VIDEO TAQ YÏT ADOLESCENTE, ¿ACHKË ÜTZ NBʼÄN WE NBʼAN BULLYING CHWÄ?, KEʼAQʼALAJSAJ RE KʼUTUNÏK REʼ:

• ¿Achkë nkitamaj qa ri qʼopojiʼ kʼojolaʼ chrij Charlie chqä ya Ferin?

  Ruqʼalajsaxik

• ¿Achkë nkitamaj qa ri teʼej tataʼaj chrij re video reʼ?

  Ruqʼalajsaxik