El bully puede causa kanaton problema na fisical y na emocional. Puede pa gane este pone na peligro con el diaton espiritualidad si tene kita miedo si man contra sila con el diaton adoranza. Paquemodo tu puede protege con el de tuyu mismo cuerpo si tan bully contigo?

Manada del maga siervo de Jehova el ya puede enfrenta con el bully cay ya confia sila con Jehova. (Sal 18:17) Por ejemplo, ya converza si Ester para revela con el maga plano del un mal gente que si Haman. (Est 7:1-6) Antes le con ese hace, ya dale le mira con el de suyu confianza con Jehova cuando yan ayuno le. (Est 4:14-16) Ya bendici si Jehova con el cosa le ya hace y ya protege con ele y con el maga Judio.

Maga jovenes, si tiene quien tan bully con ustedes, pidi ayuda con Jehova y habla de ustedes problema na un mature persona, igual como na un mayores. Puede tu asigura que ayuda contigo si Jehova igual si paquemodo le ya ayuda con Ester. Cosa el otro que puede tu hace si tan bully contigo?

MIRA CON EL VIDEO CUANDO TEENAGER PA YO​—COSA PUEDE AYUDA SI TAN BULLY CONMIGO? Y DESPUES, CONTESTA CON EL SIGUIENTE PREGUNTA:

• Cosa puede aprende el maga jovenes na ejemplo de Charlie y Ferin?

  De tuyu contestacion

• Cosa puede aprende el maga mayores na cosa ya habla si Charlie y Ferin acerca si paquemodo puede ayuda con el maga anak si tan bully kanila?

  De tuyu contestacion