Vapoyileli va nga hi vangela txikarato ngu didhawa da nyama ni da matipfelo. Ngako hi txo va tumelela ve hi dhukisela hi nga wila wuxaka wathu ni Jehovha. U nga ti vhikelisa kutxani ko poyilelwa?

Vakhozeli va Jehovha ta va tsimbilela kwati hambi va txi poyilelwa nguko va thembako Jehovha. (Mas 18:17) Ngu txikombiso, Esteri a wombile makungo a mbihi wu a dhanwako ku i Hamani. (Est 7:1-6) Na a si se maha toneto, a kombisile kuthemba Jehovha ngu ku titona sakudya. (Est 4:14-16) Jehovha a vhikete vathu vakwe kumweko ni nene e tshumela e katekisa tile a nga ti maha.

Kufana ni Esteri, ngako u txi wonisana ni kupoyilelwa, kombela txivhuno ka Jehovha u tshumela u womba-womba ni m‘thu wu a nga vitwa ngu didhawa da moya, wo fana ni mveleki mayelano ni txikarato txako. Awe u nga tsaniseka ka ti to Jehovha a na kuvhuna nga ha a nga vhuna ngu kona Esteri. Ngu tihi timwani u nga ti mahako kasi kuwonisana ni kupoyilelwa?

XALELA VHIDHIYO AYI YI KU WUTOMI WANGU KOTA MPHYA—NI NGA MAHA TXANI NGAKO NI TXI POYILELWA? U GWITA U XAMULA SIWOTISO SIYA:

• Ngu tihi ti majovhem ma nga ti gondako ka txikombiso txa Charlie ni Ferin?

  Your answer

• Ngu tihi ti vaveleki va nga ti gondako ka ti Charlie ni Ferin va nga ti womba mayelano ni kuvhuna vanana ti to ve lwisana ni kupoyilelwa?

  Xamulo yako