Nihsawhnak nih pumsalei le lungthinlei ah harnak a kan pek khawh. Kan biaknak kha an ralchanh i an kan tlerhkhonh ahcun thlaraulei hmanh ah kan hun der kho. Nihsawhnak in nangmah le nangmah zeitindah naa kilven khawh?

Jehovah a biami tampi nih Jehovah an i bochannak thawng in nihsawhnak kha hlawhtling tein an tawnghtham khawh. (Salm 18:17) Tahchunhnak ah, Esther cu nisawhtu Haman i a ṭhalomi a khuakhannak kong kha phuan awkah fial a si. (Es. 7:1-6) Cutin a tuah hlanah rawl a ulhnak thawng in Jehovah aa bochan kha a langhter. (Es. 4:14-16) Jehovah nih a tuahsernak kha thluachuah a pek i amah le a miphun pawl kha a kilven hna.

Mino pawl, pakhatkhat nih an in nihsawh hna ahcun Jehovah sinah bawmhnak hal u law nan nulepa ti bantuk sinah nan tonmi harnak kong kha chim hna u. Esther bantuk in Jehovah nih aan bawmh hna lai ti kha nan zumh khawh. Nihsawhnak tawnghtham awkah zeidah nan tuah khawh rih?

KUMHRA FAI NUNNAK—NIHSAWHNAK KHA ZEITINDAH KA TAWNGHTHAM KHAWH? TIMI VIDEO KHA ZOH LAW MAH BIAHALNAK HNA HI PHI:

• Mino pawl nih Charlie le Ferin kong in zeidah an cawn khawh?

  A phi

• Nulepa nih nihsawhnak a tongmi an fale bawmh khawh ning he aa tlaiin Charlie le Ferin chimmi in zeidah an cawn khawh?

  A phi