Cheʼ mi lac ticʼlʌntel ti escuela miʼ mejlel i wen lowonla yicʼot miʼ yotsan lac chʼijyemlel. I mi tsaʼ lac bʌcʼña chaʼan mi lac wajlentel tiʼ caj Testigojonla miʼ mejlel i ñajtʼesañonla ti Jehová. ¿Chuqui miʼ mejlel a mel mi jiñi a piʼʌlob ti escuela miʼ ticʼlañetob?

Cabʌlob am bʌ ticʼlʌntiyob o wajlentiyob, pero añʌch mejli i cuchob come tiʼ sʌclayob i coltʌntel ti Jehová (Sal. 18:17). Juntiquil jiñʌch Ester, cheʼ bʌ Hamán tsiʼ ñopo i jisan i tejclum Dios, Ester tsiʼ pʌsʌ i chʼejlel i tsiʼ yʌlʌ yom bʌ i mel ili wiñic (Est. 7:​1-6). Pero cheʼ bʌ muʼto caj i mel iliyi tiʼ sʌcla i coltʌntel ti Jehová i tsiʼ chaʼle chʼajb (Est. 4:​14-16). Jin chaʼan Jehová tsaʼʌch i colta Ester yicʼot jiñi i tejclum.

Mi an majqui miʼ ticʼlañet ti escuela o miʼ wajleñet, cʼajtiben i coltaya Jehová jaʼel i suben juntiquil ñuquix bʌ chuqui woli a ñusan, tajol jiñi a papá o jiñi a mamá. Jehová mucʼʌch caj i coltañet jaʼel cheʼ bajcheʼ tsiʼ colta Ester. ¿Chuqui yambʌ miʼ mejlel a mel?

CHEʼ BɅ TSAʼIX LAʼ QʼUELE JIÑI VIDEO CHEʼ BɅ XCOLELETTO: ¿CHUQUI YOM MIC MEL MI WOLI C TICʼLɅNTEL TI ESCUELA?, JACʼɅLA ILI CʼAJTIYA TAC:

• ¿Chuqui miʼ mejlel i cʌñob jiñi xcolelob tiʼ tojlel Charlie yicʼot Ferin?

  I jacʼbal

• ¿Chuqui miʼ mejlel i cʌñob jiñi tatʌlob?

  I jacʼbal