KWA ˗BHA ˗KË KLETIƐN ˈKA ˗SÜ
ˈWo kwa woo˗ mɛɛnˈˈ ˗ni ˈgü, ˗kwa kwa ˗zoyö Zoova ˗dhɛ
˗Wa kwa woo˗ mɛɛnˈˈ, ˗yö ꞊mɔɔn˗ ˗bha ˈö kwa zuʋ̈ˈˈ ˈˈklʋʋbhɔ ꞊dedewo. ˗Wa ˗gban kwa ˗gɔ kwa ˗bha ˗Zlan ˗dhɔkësü ˗wɔn ˈgü, kwa ˈgü ˈyii kë ˈˈgbɩɩ˗, ˗mlɛɛn ˈö kwaa Zoova kwa ꞊zinŋ ˈgü ꞊mɔɔn˗ ˗bha ˈö ꞊shiö. ˗Dhɛ ˈö ˈˈdhʋ̈, ˗wa kwa woo˗ mɛɛnˈˈ, ˈmën ˈkwa ꞊mɔɔn˗ ˗bha ˈkwa˗ ˗kë kö ˈkwa ˈto ˗a ˈˈgbɩɩ˗ ˈka?
Zoova ˗dhɔkëmɛn ˗nu ꞊va ˈwo ˗an woo˗ ꞊mɛɛn ˗wo ˗bɔ ˈwɔn ˈö ˈˈdhʋ̈ ˗a ˈgü ˗zoyö Zoova ˗dhɛ ˗sü ˈka. (Ps 18:17) ˗A ˈwɔnzuan do ꞊nɛɛn: ˈWɔnyaa ꞊gbɔɔnsü ˈö Amanö ˈö kun ˗a ˈˈpiʋ̈ kö ˗ya kë bhë, Ɛstɛɛ ˗yö ˈˈdhɛ ˗bho ˗a ˗ta. (Est 7:1-6) ˈˈSanni ˗yö ˈwɔn ˈö ˈˈdhʋ̈ ˗a blɛɛˈˈ, ˗yö ö ˗bha ˗zoyö Zoova ˗dhɛ ˗sü ˗zɔn ˈsunŋ˗ man ˗sü ˈka. (Est 4:14-16) Zoova ˗yö ˈdhuëë˗ ˗kpɔ ˗a ˗bha, ˈgo mü ˈö ö ˗kɔ kpa yö waa ö ˗bha ˈˈsɛgümɛn ˗nu ˗ta.
Wlüünën ˗nu, mɛn ˈbha ˈö ka woo˗ mɛɛnˈˈ ˗ni ˈgü, ˗kaa pö Zoova ˗dhɛ ˗yö ka ˗takun, ˈgo mü ˗kaa blɛɛˈˈ mɛn ˈkpii˗ ˈbha ˗dhɛ. ˗Yö ꞊mɔɔn˗ ˗bha ˈö ˗kë ka ˗bha ˈkɔdhigümɛn do ˈka. ˗Yö kë ka ˈˈɲaan ꞊dhɛ Zoova ˗dho ka ˗takun ꞊dhɛ ˗kɔ ˈö Ɛstɛɛ ˗takun ˗a ˈka bhë, ˗a ˈdhö. Mɛn ˈbha ˈö ka woo˗ mɛɛnˈˈ ˗ni ˈgü, ˗mën ˈbhaa ˈka ꞊mɔɔn˗ ˗bha ˈka˗ ˗kë ˈzü?
˗BHÖ VIDEO WLÜÜNËN ˗NU: MƐN ˈBHA ˗YA N WOO˗ MƐƐNˈˈ, ˗A ˗DHO ˈTO ˗A ˈˈGBƖƖ˗ ˈKA ˗KƆ ˗KË ꞊DHƐ? ˗GA. ꞊YA ƝËN ˗BHÖ DHƐƐˈˈ ˗NU ˈWO YÖ ˗AN ˗YƆ BƆ:
-
˗Gleŋ ˗mɛɛn ˈö wlüünën ˗nu ˈwo ꞊mɔɔn˗ ˗bha ˈwo˗ sü Shaadhö waa Ferinö ˗an ˗bha ˈwɔnzuan ˗bha?
-
ˈPë Shaadhö waa Ferinö ˈwo˗ pö bhë, ˗gleŋ ˗mɛɛn ˈö ˈnënmɛn ˗nu ˈwo ꞊mɔɔn˗ ˗bha ˈwo˗ sü ˗a ˈgü kö ˗wo wo bha ˈnën ˗nu ˗takun ˗a ˈka?