KRISTABIIRI ZEMMO YƐLƐ
Dɛle Jehoova Saŋa Na Ho Taaba Naŋ Wa Dɔgrɔ Bo Na
Noba naŋ dɔgrɔ ba taaba na baŋ ŋmɛ teŋ, kyɛbee a e te yɛlɛ ka a kpɛ te yaga. Ka ba naŋ dɔgrɔ te Jehoova puoruu zuŋ, a na baŋ sããŋɛɛ te neŋ Jehoova niiloŋ na. Wala hoŋ na baŋ e a go ho meŋɛ saŋa na ho taaba naŋ dɔgrɔ bo na?
Jehoova toɔ̃ soŋɛɛ o puorebiiri yaga baŋ toɔ̃ are kpeɛŋaa saŋa na ba taaba naŋ wa dɔgrɔ ba. (Ym 18:17) Aŋa mannoo poɔŋ, Eesiter da vɛŋɛɛŋ aŋ pɛle ka Heemaŋ boɔrɔŋ ka o e a Izerayɛl biiri potu-yɛlɛ. (Es 7:1-6) Kyɛ sɛre oŋ na e lɛ na, o da leŋ la noɔre a de wuli ka o dɛlɛɛ Jehoova kpɛlɛŋkpɛlɛŋ. (Es 4:14-16) Jehoova da maalɛɛ o gbɛ de na, a kyɛ da go o neŋ a Izerayɛl biiri zaa.
Baapaalba, ka neɛ kaŋaŋ wa dɔgrɔ yɛ, yɛ puore sɔre Jehoova ka o soŋ yɛ. Manne a yɛlɛ ko neŋkpoŋ kaŋa naŋ kyile, aŋa mannoo poɔŋ, yɛ dɔgreba. Yɛ na baŋ taaɛ sagediibu ka Jehoova na soŋ yɛŋ aŋa lɛ na oŋ da soŋ Eesiter na. Bo yɛlɛ yɛŋ na baŋ lɛ e saŋa na noba naŋ wa dɔgrɔ yɛ na?
KAA A VIDIO ŊA, N BAAPAALOŊ SAŊA ZEMMO YƐLƐ—BO YƐLƐŊ NA BAŊ SOŊ MA SAŊA NA NOBA NAŊ WA DƆGRƆ MA NA? KYƐ PÃÃ IRI A SOOREBIE ŊA NƆƐ:
-
Bo yɛlɛ ka baapaalba na baŋ zanne yi Charlie ane Ferin ewuli na poɔŋ?
-
Bo ka bidɔgreba na baŋ zanne yi yɛlɛ na Charlie ane Ferin naŋ yel kyaare lɛ bidɔgreba naŋ na baŋ soŋ ba biiri saŋa na noba naŋ wa dɔgrɔ ba na?
