A LIBI FU WI ENKE KELESTEN
Fitoow Yehofa te taawan e suku toobi anga i
Sama di e suku toobi anga u sa meke u fii booko-saka. Den sa du ogii anga u tu. U sa gwe fika Yehofa efu u feele den. Sai sa du fu meke taawan á fende i fooseli?
Fu di son sama di be e dini Yehofa be e fitoow en, meke den á be feele den sama di be wani fooseli den (Ps 18:17). We si a sani ya aini a toli fu Ester. Aa be feele fu taki san Haman be wani du anga den Dyu (Est 7:1-6). Fosi a du a sani ya, a be soi taki ai fitoow Yehofa, neen meke aa be nyan efuso diingi wantu dei (Est 4:14-16). Yehofa be belesi a sani di a du, neen meke a be kibii en anga a foluku fi en.
Yonkuuwan, efu wan sama e fooseli i, i sa taki anga Yehofa fu a toli. I sa taki anga wan gaansama fu a sani ya tu, kande i mma efuso i dda. Aa de fii feele, Yehofa o yeepi i leti enke fa a be yeepi Ester. San a wantu taa sani dii sa du efu taawan e fooseli i?
LUKU A FELON DI DEN E KAI YONKUUWAN—SAN MI SA DU TE TAAWAN E SUKU TOOBI ANGA MI?, DAI PIKI DEN AKISI YA:
-
San yonkuuwan sa leli fu Charlie anga Ferin?
-
Fa mma anga dda sa yeepi den pikin fu den te den luku san Charlie anga Ferin taki?
