Kɛ́ aa-bully wɔ loo aaye wɔ hiɛwaa yɛ skul lɛ, wɔbaanyɛ wɔpila loo wɔwerɛ baanyɛ aho wɔhe. Kɛ́ aa-bully wɔ yɛ wɔjamɔ lɛ hewɔ, ni wɔtsui fã lɛ, no baanyɛ ahã wɔfite naanyobɔɔ ni yɔɔ wɔ kɛ Yehowa teŋ lɛ. Mɛni obaanyɛ ofee kɛbu ohe kɛje mɔ ko ni yeɔ bo hiɛwaa yɛ skul lɛ he?

Yehowa tsuji babaoo enyɛ ekpee shihilɛ ni tamɔ nɛkɛ lɛ naa ejaakɛ amɛkɛ amɛhiɛ fɔ̃ Yehowa nɔ. (La 18:17) Akɛ nɔkwɛmɔnɔ lɛ, Ester hã ale ŋaa fɔŋ ni yiwalɔ ko ni atsɛɔ lɛ Haman lɛ tsɔ̃ lɛ. (Est 7:​1-6) Dani ebaafee nakai lɛ, ehi ŋmaa kɛtsɔɔ akɛ ekɛ ehiɛ fɔ̃ɔ Yehowa nɔ. (Est 4:​14-16) Yehowa jɔɔ Ester nifeemɔi lɛ anɔ ni ebu lɛ kɛ Israelbii lɛ ahe.

Oblahii kɛ oblayei, kɛ́ mɔ ko bully bo lɛ, bi Yehowa ni ewa bo, ni okɛ mɔ ko ni eda, tamɔ ekolɛ ofɔlɔ, agba onaagba lɛ he sane. Hemɔ oye akɛ tamɔ bɔ ni Yehowa wa Ester lɛ, ebaawa bo hu. Mɛni ekoŋŋ obaanyɛ ofee kɛ́ mɔ ko miiye bo hiɛwaa yɛ skul?

KWƐMƆ VIDIO NI JI, OBLAHII KƐ OBLAYEI ASHIHILƐ—KƐ́ AAWA MI YI YƐ SKUL LƐ, MƐNI ESA AKƐ MAFEE? LƐ, KONI NO SƐƐ LƐ OHÃ SANEBIMƆI NI NYIƐ SƐƐ NƐƐ HETOO:

• Mɛni oblahii kɛ oblayei baanyɛ akase yɛ Charlie kɛ Ferin sane lɛ mli?

  Your answer

• Mɛni fɔlɔi baanyɛ akase yɛ nɔ ni Charlie kɛ Ferin wie lɛ mli, yɛ bɔ ni fɔlɔi baafee amɛwa amɛbii kɛ́ aa-bully amɛ lɛ he?

  Your answer