Moun ki ka pèwsékité-nou pé fè-nou soufè adan chè an nou é lèspri an nou. É si nou ka lésé-yo pran lanmen asi nou lè yo vlé anpéché-nou adoré Jéova, yo pé jous fè-nou ditò èspirityèlman. Alò ka ou pé fè pou pwotéjé-w lèwvwè on moun ka pèwsékité-w ?

Onlo sèwvitè a Jéova rivé tchenbé douvan moun ki té ka pèwsékité-yo lèwvwè yo fè fon asi Jéova (Sòm 18:17). Pa ègzanp, Èstè pran lapawòl pou dévwalé plan a Amàn, on moun ki té ka pèwsékité pèp a Bondyé é ki té méchan toubònman (Èst 7:1-6). Avan sa, Èstè rété san manjé pou montré i té ka fè Jéova konfyans (Èst 4:14-16). Jéova béni sa i fè é i pwotéjé ki li ki pèp a-y.

Léjenn, si yo ka pèwsékité-zòt, mandé Jéova édé-zòt é palé dè pwoblèm a zòt èvè on granmoun ki mi, kon pa ègzanp, paran a zòt. Zò pé sèten Jéova ké édé-zòt menmjan i édé Èstè. Ki dòt biten zò pé fè lèwvwè on moun ka pèwsékité-zòt ?

GADÉ VIDÉO-LA VI AN MWEN ANTANKÈ JENN : KIJAN AN PÉ KENBÉ LÈ YO KA PÈWSÉKITÉ-MWEN ?, APRÉSA RÉPONN A SÉ KÈSYON-LASA :

• Ka ègzanp a Charlie é Ferin pé aprann sé jenn-la ?

  Répons a-w

• Ka témwagnaj a Charlie é Ferin pé aprann sé paran-la asi jan yo pé édé timoun a yo lèwvwè yo ka sibi pèwsékisyon ?

  Répons a-w