KLETIƐN ƐNˈ ˈKMƲN
De Zoova -gwlɩˈˈ -bho ɲʋn an sa ˈbhoo- bho paa aˈ
Ɲʋn -an paa ˈbho -a bho ɛ, ʋʋ ˈbhɛɛˈ ʋʋ ˈye -aʋ dhɛsaʋn ˈˈdhrui nʋn -aeˈˈ ʋʋ ˈyeɛ nʋn -a ˈye -ˈˈzru. -Bho ʋa sa -aʋ jie kaan ˈdhe ɲɔnsoadhɛ ˈdhi ˈˈdhe -faʋn an sa -aʋ nʋn ɛnˈ, ɛ ˈbhɛɛˈ ɛ ˈye -aaˈ ɲɔnsoadhɛ ˈkɔɔ-. Ka -ˈye nʋn -wɛeˈ ɲʋn -an paa ˈbhoo- bho ˈse ʋn dhɛsaʋn ˈˈdhrui -nʋn in -ɛn?
Zoova aˈ dhbhonʋʋn- -duuˈˈ ku i ˈbho ɲʋn -an paa ˈbho ʋbʋ bho ˈˈjhibhaˈ dhɛ ʋʋ deɔ -gwlɩˈˈ ɛˈ dɩ. (Ps 18:17) Ɛɛˈ kpɔ dhueˈ ka, ɲɔnsaʋn- dhueˈ -ɔɔˈ ˈɲnɩn nɩan Amanɩn ɛn, dhɛsaʋn- ɔɔ ˈbɔan ɔ ˈyea nʋn -dhe ɛ, ɛmɛn- Ɛsitɛɛ ˈtmʋʋn- ˈBheɔ. (Est 7:1-6) Ʋn ˈyea -ˈmɛn nʋn ke -tɛnˈˈ ɛn, ʋn toɛˈ -ka ʋn dea Ɲɔnsoa -gwlɩˈˈ ˈbho ŋwɔn ˈbhɔ aˈ. (Est 4:14-16) Dhɩ ʋn nʋan, Zoova pʋɩ ˈˈdhiman- ˈˈdhe ɔ ˈpʋʋ- ʋmʋn -e ʋanˈ ˈcɛ ˈmɛn.
Ɲʋnjhae-, -bho ɲɔn ɔn sa ˈbho aʋ bho paa aˈ, aʋ bhae- Zoova ɔ ˈye aʋ sʋn bho po, -ˈmɛn aʋ ˈtmʋn ɛnˈ dɩ ˈdhe ɲɔn -klaaˈˈ bho -ka aʋaˈ ˈcɛ nɩan. Deɛ -gwlɩˈˈ -ka Zoova a muan ʋn sʋn bho -po -ka ɔ poa Ɛsitɛɛ sʋn bho ɛ. -Bho ɲɔn ɔn sa ˈbhoo- bho paa aˈ, dhɛ -ˈnɛɛn -wɛ ˈbhɛɛ -ɛ ˈye ʋn sʋn bho po -ɛ?
-ˈJHE VIDEO NƆN IN -DA ˈƖN NƖAN ƝƆNJHAO-: -BHO ƝƲN AN SA ˈBHOO BHO -PAA Aˈ KA ˈYE NƲN -ƐN? -ˈMƐN -ZA ˈE IDEEDƖ- NƖAN DA ˈZƆN DA:
-
ˈSrɩn -wɛ ɲmai- -mɩɩnˈˈ -e ˈɲnʋnkpaeˈ -mɩɩnˈˈ ˈbhɛɛ ʋʋ ˈye ˈe Saali -e Felɛn anˈ bo ˈdhi -za -a?
-
Dɩ Saali -e Felɛn ˈtmʋan ˈdhe ɲʋn -an paa ˈbho ɲʋn bho aˈ dɩ ˈdhi ɛ, ˈsrɩn -wɛ ˈˈɲnuunbhleʋn ˈbhɛɛ ʋʋ ˈye ˈdhe ɩn ˈdhi -za ˈˈdhe ʋʋ ˈye ʋaˈ ˈˈɲnuun sʋn bho po -ɛ?
