Buli taudia ese ita idia hahisia diba. Iseda tomadiho karana idia kirikirilaia bona ita lalohisihisi neganai, unai ese iseda hetura karana Iehova ida ia hadikaia diba. Edena dala ai oi ia buli henia tauna amo sibona oi gimaia diba?

Iehova idia tomadiho henia taudia momo be buli karana idia haheaukalaia, badina Iehova dekenai idia tabekau. (Sal 18:17) Hegeregere, Eseta ese unai buli tauna, Hamana, ena palani dikana ia gwauraia hedinarai. (Est 7:​1-6) Unai ia do karaia lasi neganai, ia aniani lasi bona ranu ia inua lasi. Unai amo ia hahedinaraia Iehova dekenai ia tabekau. (Est 4:​14-16) Iehova ese ia hanamoa bona ia bona ena taunimanima ia gimaia.

Matamata taudia e, bema ta ese oi ia buli henia, Iehova oi noia oi ia durua totona bona taunimanima badana ta eiava emu tama sina dekenai emu hekwakwanai oi herevalaia. Oi abia dae diba Iehova ese oi do ia durua, Eseta ia durua hegeregerena. Buli karana oi haheaukalaia noho totona, dahaka gau ma haida oi karaia diba?

VIDIO LADANA EGU MATAMATA NEGANA—EDENA DALA AI BULI KARANA LAU HAHEAUKALAIA DIBA? ITAIA, BENA INAI HENANADAI HAERELAIA:

• Matamata taudia ese Charlie bona Ferin edia haheitalai amo dahaka idia dibaia?

  Emu haere

• Tama sina ese edia natudia idia durua buli karana idia haheaukalaia totona, Charlie bona Ferin edia hereva amo dahaka idia dibaia?

  Emu haere