I EJATAL TU AYKOL KʼAL A CRISTO
Max it odhnáb ti escuela kʼal a at juntal, ka belaʼ kʼal a Jehová
Tam jun u odhnáb ti escuela, walám in atsʼál tʼeʼpidh ani yab kanat, ani jayej in éjtowal tu ku ódhnanchij i jaʼúbtal kʼal a Jehová max ki jilaʼ abal axi más tu ku tidhebédhaʼ kʼal jawaʼ i belál. Max tatáʼ kʼwajat ta telnal ani i odhnáb ti escuela, ¿jantʼoj a éjtowal ka tʼajaʼ?
Yan i tsakam in ejtowamal kin ataʼ axéʼ xi kʼibataláb kom in jilamal ka tólmiyat kʼal a Jehová (Sl 18:17). Jun i tʼiplab, a Ester yab jikʼey kin olnaʼ jawaʼ neʼetsak kin tʼajaʼ a Hamán, jun i inik axi in odhnálak in bichówil a Dios (Est 7:1-6). Pero okʼxidh kin tʼajaʼ nixéʼ, a Ester kʼwajiy ti pábil, kom antsanáʼ in tejwamédhaʼ abal in belálak kʼal a Jehová (Est 4:14-16). Kom a Ester in tʼajaʼ jantʼoj, a Jehová in béletnaʼ jajáʼ ani an judíos.
Max kʼwajat ta odhnáb ti escuela kʼal a at juntal, ka konchij a Jehová ti tólmiy. Jayej, a éjtowal ka ólchij a papá o a mamáʼ, o kʼeʼat jitaʼ axi in éjtowal ti tólmiy. A éjtowal ka belaʼ abal a Jehová neʼets ti tólmiy antsanáʼ jantʼiniʼ in tólmiy a Ester. ¿Jantʼoj más a éjtowal ka tʼajaʼ max a at juntal ti odhnál o ti telál?
TALBÉL TA TSUʼÚMAL AN VIDEO TAM IT TSAKAMEJ: ¿JANTʼOJ U ÉJTOWAL KU TʼAJAʼ MAX IN TELNAL O IN ODHNÁB TI ESCUELA?, KA TÓKʼTSIY AXÉʼ XI KONOWIXTALÁBCHIK:
-
¿Jantʼoj in éjtowal kin exóbnaʼ an tsákamchik kʼal jawaʼ in watʼaʼ a Charlie ani a Ferin?
-
¿Jantʼoj in éjtowal kin exóbnaʼ an tatalábchik kʼal axéʼ an video?
