Ovatatumise ve yenena okutuhihamisa komuinyo na korutu. Tji matu ve tira tji mave pirukire ongamburiro yetu, owo mave yenene okungundiparisa oupanga wetu ku na Jehova. Hapo mo yenene vi okuritjaera komutatumise?

Ovakarere va Jehova ovengi va yenena okutaara ondatumisire mokuriyameka ku Jehova. (Eps 18:17) Otjotjihorera, Ester wa hungira ohunga nondyero yomurumendu omuhinotjikaro nomutatumise wena Haman. (Est 7:​1-6) Komurungu wanao, eye we ritjaera kovikurya okuraisa kutja we riyameka ku Jehova. (Est 4:​14-16) Jehova we mu sera ondaya, nu we mu yama pu novakarere ve.

Indu tji u ri omutanda ngu tatumisiwa, ningira ombatero ku Jehova, hungira ku novanene voye poo omundu omunene ohunga nouzeu woye mbwo. Kara nongamburiro yokutja Jehova me ku vatere tjimuna tja vatera Ester. Ovikeṋa vyarwe mbi mavi ku vatere okutjinda ondatumisire?

TARERA OKAVIDIO NGA EHUPO RANDJE OTJOMUTANDA—HAPO ME YENENE VI OKUTJINDA ONDATUMISIRE? OKUZAMBO ZIRA OMAPURIRO NGA:

• Hapo omitanda mavi rihongo tjike okuza kotjihorera tja Charlie na Ferin?

  Eziriro roye

• Hapo ovanene mave rihongo tjike, okuza kotjihorera tja Charlie na Ferin ohunga nokuvatera ovanatje vawo kondatumisire?

  Eziriro roye