Pembuli ulih ngemediska tubuh enggau emosi kitai. Orang mega engka nagang kitai ari nyembah Jehovah. Ari emba sida, tu ulih ngachau kaul kitai enggau Jehovah. Baka ni nuan ulih ngelindung diri ari buli?

Mayuh nembiak Jehovah mujur nat diri ari dibuli enggau bepanggai ba Jehovah. (Ms 18:17) Ngambika chunto, Ester enggau berani madahka pelan ti jai ke diperambu siku pembuli ke benama Haman. (Est 7:​1-6) Sebedau nya iya nunjukka diri bepanggai ba Jehovah enggau bepasa. (Est 4:​14-16) Jehovah merekatka pengawa iya lalu ngelindung iya enggau bala nembiak Iya ke bukai.

Bala nembiak, enti nuan kena buli, nuan patut besampi ngagai Jehovah lalu madahka ngagai orang besai tuai, ngambika chunto apai indai, pasal penanggul tu. Nuan ulih andal Jehovah deka nulung nuan baka Iya udah nulung Ester. Nama utai bukai ulih digaga nuan lebuh nuan dibuli?

PEDA VIDEO PENGIDUP ORANG BIAK—CHARA AKU NGELABAN PEMBULI, LALU SAUT TANYA TU:

• Nama ulih dipelajar bala nembiak ari chunto Charlie enggau Ferin?

  Saut nuan

• Nama ulih dipelajar bala apai indai pasal chara sida ulih nulung anak sida lebuh dibuli, ari utai dipadah Charlie enggau Ferin?

  Saut nuan