Awayya na nga takitan ittam na bully ira ta pisikal anna emosional. Nu kokkontradda gapa i paddayaw tam, posible nga makkafi i espiritualidad tam nu maganassing ittam ta nira. Kunnasim maprotektan i baggim ta tadday nga bully?

Megafu ta nattalo kani Jehova i aru nga aripan na, narubang da danuri mamu-bully onu mangananassing ta nira. (Sal 18:17) Angngarigan na, nidanug ni Ester i plano na marake nga si Haman. (Es 7:​1-6) Ngem nige natun, nagayuno labbi yayya bilang pangipasingan na ta pattalo na kani Jehova. (Es 4:​14-16) Binendisionan ni Jehova i kiningngua na anna prinotektan na yayya anna i ili na.

Sikamu nga abbarabbing, nu egga i mamu-bully onu mangananassing ta nikamu, mappaduffukkamu kani Jehova anna kagian nu yatun nga problema nu ta manakam nga pattattalakkan nu, kagitta na magana nu. Makasiguradu kamu nga duffunan nakamu ni Jehova kagitta na pinanguffun na kani Ester. Anni paga i makua nu tapenu marubang nu i pamu-bully?

GIRAWAN I VIDEO NGA TA KA-TINEDYER KU—KUNNASÌ MARUBANG I PAMU-BULLY? KABALIN NA, TABBAGAN I TUMUNUG IRA NGA PAKKIAVU:

• Anni i magigiammu na kabataan ira ta ehemplo ni Charlie anna ni Ferin?

  I tabbag mu

• Anni i magigiammu na magana ira ta kinagi ni Charlie anna ni Ferin meyannung ta panguffun ta ána ira tapenu marubang da i tadday nga bully?

  I tabbag mu