Am’ẹnukpahiu kia t’onẹ manẹ neke jẹn̄wu wa n’iwọ kpai ẹdọ-ekpabiẹ. Ma n̄ọ neke jẹn̄wu onukwu wa kpai Jihofa bulọ ichẹn̄wu ka ch’okpo ẹgba kuma kobọ Ọjọ egwa wa. Abu a neke de ọla wa kwefu ọwọ ma le?

Amonẹ wewe kia rẹ Jihofa dago kpaka ẹgba k’amẹnukpahiu tẹ ma manẹ todu kuma chubiyọ no Jihofa. (Eli 18:17) G’ujiwe ka, Ẹsta d’ibe bibi Heman, ẹnukpahiu kia tẹ ama Ju manẹ, dufu. (Ẹsta 7:​1-6) Taki i du dufu, i du n̄a kaki ichubiyọ no Jihofa lefu alu-eji ki ji kpai abo-wn̄. (Ẹsta 4:​14-16) Jihofa d’ẹnyọ n̄wu Ẹsta todu ẹdọ-ẹgbo ki nẹ, i la dide-wn̄ kpai amonẹ-wn̄.

Am’agbadufu, ẹgba k’ẹnukpahiu ka kobẹ tene abunẹ kwugbo Jihofa, kẹ la ch’oluka kpai ẹnẹ ki gbọkonẹ dabu ata wẹ kpai iye wẹ lugbo ihianyi wẹ. Ẹ la li kaki Jihofa a ch’abunẹ wẹ alu ki ch’abunẹ Ẹsta. Ẹn̄wu chẹn̄wu omunẹ kẹ neke che ẹgba k’amẹnukpahiu a tẹ manẹ?

GO VIDIO ỌLAYI AGBADUFU MI—ABU U NEKE DAGO KPAKA ẸGBA K’AMẸNUKPAHIU A TU MI MANẸ? UBILẸ, MẸ DOHI AM’ENE-I:

• Ẹn̄wu am’agbadufu neke kọche kwefu awọli Charlie kpai Ferin?

  Ohi wẹ

• Ẹn̄wu ata kpai iye neke kọchẹ kwefu ẹn̄wu ki Charlie kpai Ferin ka lugbo ọna kuma neke chabunẹ amọma ma kuma dago kpaka ẹgba k’amẹnukpahiu a tu ma manẹ?

  Ohi wẹ