Kịmị wó penimọ daba wó mịẹ bolouịmbẹlẹgha fa. Ámịnị wó Jehovah karịmịnị yọmị wó penimọ kpọ paa emi, anịa omịnị malafa daba wó mọ Jehovah mọ ikie seimọ mịnị. Anị duonị omịnị tebara ka kị bịsẹ otubo duo wó angọ kekere mịnị a o?

Biin Jehovah karịmịnị kịmịama Jehovah a sẹsẹrẹ mịnị yọ duonị bei kịmị paabo dẹịnmọ dẹ. (Ps 18:17)Gbaamaba, Esther akpotu mịẹ-owei Haman tọn iroro bo nimi ifie bị, amịnị ụ gbaa paamọ mị. (Es 7:​1-6) Esther Jehovah a sẹsẹrẹ emi duonị, amịnị mọụnkoru dẹkị egberi gbaa paamọ mị. (Es 4:​14-16) Anị mịẹ ye duonị, Jehovah tarịama akị a pịrị bá Israel kịmịbo kpọ kekere mị.

Kịmị sụụ akị á dọụ daba, Jehovah baratụapịrịye bii, bá gbaa akị á daụ mọ yin mọ anịghakpọ zịnị kasụọdẹ bịna-ụbọ pịrị. Jehovah baratụa Esther pịrị bara mị, omịnị baratụa á kpọ pịrị mịnị. Ámịnị mọkpọ teeki mịẹ a paa emi a o?

INE ASỊYAỊPESI ỤNDỤ MỊ—ỊMỊNỊ TEBARA KA KỊ SỤỤ DỌỤMỊNỊ KỊMỊBO DẸỊNMỌ MỊNỊ A O? VIDIO FARỊ DÁ BEI BIIBỊBỊMỌ PARAỊ:

• Ámịnị te ka kị Charlie mọ Ferin mọ mịẹdịaye duo tolumọ akị ma o?

  Your answer

• Baratụa awọụ pịrị wẹrị bei sụụ dọụ otubo dẹịnmọmụ yọmị, daụ mọ yin mọ otu te ka kị Charlie mọ Ferin mọ duo tolumọ akị ma o?

  Your answer