Mabalin a masaktandatayo dagiti bully iti pisikal ken emosional. Mabalinda pay ketdi a pakapuyen ti espiritualidadtayo no agbutengtayo iti panangbusorda iti panagdaydayawtayo. Ania ti aramidem tapno saanka a ma-bully?

Adu nga agdaydayaw ken Jehova ti nagballigi a mangsango kadagiti bully babaen ti panagtalekda ken Jehova. (Sal 18:17) Kas pagarigan, inturtured ni Ester nga imbaga dagiti plano ti dakes a bully a ni Haman. (Est 7:​1-6) Sakbay nga inaramidna dayta, impakitana ti panagtalekna ken Jehova babaen ti panagayunarna. (Est 4:​14-16) Binendisionan ni Jehova dagiti inaramid ni Ester ken prinotektaranna isuna ken dagiti kailianna.

Dakayo nga agtutubo, no adda mang-bully kadakayo, agpatulongkayo ken Jehova ken ibagayo ti problemayo iti maysa a nataengan nga adulto, kas iti nagannakyo. No tinulongan ni Jehova ni Ester, masiguradoyo a tulongannakayo met. Ania pay ti mabalinyo nga aramiden no mabul-bully-kayo?

BUYAEN TI VIDEO A TI BIAGKO KAS TIN-EDYER—ANIA TI ARAMIDEK NO ADDA MANG-BULLY KANIAK?, SA SUNGBATAN DAGITOY:

• Ania ti masursuro dagiti agtutubo kada Charlie ken Ferin?

  Ti sungbatmo

• Ania ti masursuro dagiti nagannak iti imbaga da Charlie ken Ferin maipapan iti panangtulong kadagiti annakda no adda mang-bully kadakuada?

  Ti sungbatmo