Ahwo nọ a rẹ gwọlọ ẹme a rẹ sae nwa omai oma, hayo ru nọ eva e gbẹ rọ were omai hi. Nọ a tẹ be wọso egagọ mai, a sae whẹ ozọ họ omai ẹro re a rọ ere raha usu mai kugbe Jihova. Eme whọ rẹ sai ru nọ a tẹ be gwọlọ owhẹ ẹme?

Idibo Jihova buobu nọ ahwo a jẹ gwọlọ ẹme vẹre, a sai mugba kẹ egwọlọ-ẹme na fikinọ a rẹroso Jihova. (Ol 18:17) Wọhọ oriruo, nọ ọzae ọgeva jọ nọ a re se Heman ọ jẹ gwọlọ ahwo Ọghẹnẹ ẹme, Ẹsta ọ tẹ fere omaa omuomu riẹ na via. (Ẹst 7:1-6) Taure Ẹsta o te ti ru ere, ọ siọ emuọriọ ba, onọ u dhesẹ nọ o fievahọ Jihova. (Ẹst 4:14-16) Jihova o fiobọhọ kẹe fikinọ ọ rẹroso ẹe, ọ tẹ thọe avọ ahwo riẹ.

Whai izoge, otẹrọnọ a be gwọlọ owhẹ ẹme, lẹ se Jihova re o fiobọhọ kẹ owhẹ, re whọ jẹ ta kẹ ohwo nọ ọ kpako vi owhẹ wọhọ ọsẹ ra hayo oni ra. Riẹ nọ Jihova o ti fiobọhọ kẹ owhẹ wọhọ epanọ o fiobọhọ kẹ Ẹsta na. Eme ọfa whọ rẹ sai ru nọ a tẹ be gwọlọ owhẹ ẹme?

WHA RRI IVIDIO NA NỌ MẸ RRỌ IKPE IKPEGBỌ NA—EME ME RE RU NỌ A TẸ BE GWỌLỌ OMẸ ẸME? KẸSENA WHA VẸ KIYO ENỌ NANA:

• Eme izoge na a rẹ sai wuhrẹ no oriruo Charlie avọ Ferin ze?

  Uyo ra

• Eme esẹgbini a rẹ sai wuhrẹ no ẹme Charlie avọ Ferin na ze, kpahe epanọ a sai ro fiobọhọ kẹ emọ rai nọ a be gwọlọ ẹme?

  Uyo ra