JEHOVÁ UMIRKARTAI
Yaksha itit amajtamainiakui Jehová yainkiata titia
Yaksha itit amajtamainiakrinkia najaimiakminiaitji tura kuntuts enentaimsamniaitji. Testigo de Jehová asakrin kajertamainiakrin sapijmiakrikia Jehovainia aran ajasminiaitji. Yaksha itit amajtamainiakui itiur ayamprumakminiaitiam?
Yaksha itit amajainiamsha chikichkia Jehová yayam kakararuiti (YKan 18:17). Esterka sapijmiatsuk Hamán yajauch asa judío aentsun amuktaj tusa wakerimiania nuna etserkamiayi (Istr 7:1-6). Nuna turutsuk Jehová yainkiat tusa ijiarmamiayi (Istr 4:14-16). Ainis turamtai Jehová judío aents armia nuna ayamprukmiayi tura nincha ayamprukmiayi.
Yaksha itit amajtamkuinkia Jehová yainkiat tusam seata tura apa turutskesha nuku nuyanchuka yaksha uunt ujakarta. Esternaka Jehová yainmiayi amincha Jehová yainmakminiaiti. Itit amajtamainiakuisha itiurkatniuitrum?
NATSAMARUTIRAM: ITIT AMAJTAMAINIAKUISHA ITIURKATNIUITRUM? TANA NU VIDEO IISAM JU ANINTRAMU CHIKICHKIMSAM AIMKIATA:
-
Ii yachi ii umai turawarmiania nuna natsamaru ainiana nu warinia unuimiatrarminiait?
-
Video iisajnia nuna uchirtin ainiana nusha warinia unuimiatrarminiait?
