Tɔm cayaa pɩzɩɣ nɛ paɖʋ-ɖʋ wɩzasɩ tomnaɣ yɔɔ nɛ pala ɖɔɖɔ nɛ ɖa-laŋɩyɛ wɛɛkɩ. Ye sɔɔndʋ ɛkpaɣ-ɖʋ alɩwaatʋ ndʋ pakaɖɩɣnɩ ɖɛ-Ɛsɔ sɛtʋ yɔ, papɩzɩɣ nɛ pacamɩ-ɖʋ fezuu taa. Ɛzɩma ŋpɩzɩɣ nɛ ŋkandɩyɩ ña-tɩ yɔɔ alɩwaatʋ ndʋ pacaɣ-ŋ tɔm yɔ?

Yehowa sɛyaa sakɩyɛ pɩzaa nɛ pakaɖɩnɩ tɔm cayaa mbʋ pʋyɔɔ yɔ pata Yehowa liu. (Ke 18:17) Kɩɖaʋ nakʋyʋ yɔ: Ɛsɩtɛɛrɩ labɩ abalɩtʋ nɛ ekuli ɖʋtʋ kɩdɛkɛdɩtʋ ndʋ Hamaanɩ laba yɔ tɩ-yɔɔ. (Ɛst 7:​1-6) Pʋcɔ nɛ ɛla mbʋ lɛ, ɛhɔkɩ nɔɔ nɛ pɩwɩlɩ se ɛtaɣ Yehowa liu. (Ɛst 4:​14-16) Yehowa wazɩ Ɛsɩtɛɛrɩ lakasɩ nzɩ sɩ-yɔɔ nɛ ɛkandɩyɩ ɛ-samaɣ nɛ Ɛsɩtɛɛrɩ pɔ-yɔɔ.

Piya evelisi, ye nɔɔyʋ ɛcaɣ-mɩ tɔm yɔ, ɩpɔzɩ Yehowa se ɛsɩnɩ-mɩ. Ɩyɔɔdɩnɩ ɖɔɖɔ Krɩstʋ ñɩma mba papɩwa yɔ ɛzɩ mɩ-lʋlɩyaa mbʋ yɔ. Mɩ-taa pɩzɩɣ nɛ pɩtɛ se Yehowa kaɣ-mɩ sɩnʋʋ ɛzɩ ɛɛsɩnʋʋ Ɛsɩtɛɛrɩ yɔ. Ɛbɛ ɖɔɖɔ ɩpɩzɩɣ nɛ ɩla alɩwaatʋ ndʋ pacaɣ-mɩ tɔm yɔ?

CƆNƖ VIDEO ALƖWAATƲ NDƲ MƐNKƐ PƖƔA EVELAƔ YƆ—YE PƐWƐƐ NƐ PACAƔ-M TƆM YƆ ƐBƐ PƖWƐƐ SE MALA? NƐ PƲWAYƖ LƐ ŊCOSI TƆM TƲNƐ TƖ-YƆƆ:

• Ɛbɛ Charlie nɛ Ferin pa-kɩɖaŋ pɩzɩɣ nɛ pɩkpɛlɩkɩ piya evelisi?

  Tɔm ndʋ ŋcosuu yɔ

• Tɔm ndʋ Charlie nɛ Ferin pɔyɔɔdaa yɔ, ɛbɛ tɩpɩzɩɣ nɛ tɩkpɛlɩkɩ lʋlɩyaa pɩlɩɩnɩ ɛzɩma papɩzɩɣ nɛ pasɩnɩ pe-piya alɩwaatʋ ndʋ pacaɣ-sɩ tɔm yɔ

  Tɔm ndʋ ŋcosuu yɔ