Пірее чиит христианнарны сӧклеп, иреелепчелер, піреелері, тізең, сохтырчалар даа. Аннаңар оларның чӱректері уғаа тың ағырча. Киртіністерінің ӱчӱн іди иреелеттіріп, христианинге киртінізі хоостыра тудынмин сығарға хорғыс пар. Анзы Иегованаң ынархасты сайбабызар. Хайди иреелеттірбеске?

Иегованың нымысчыларының санынаң кӧп кізілер, Иеговаа ізеніп, иреелестерге тоғыр тур полғаннар (Пс 18:17). Кӧзідімге, Эсфирь Аман хара сағыс тутчатханын кӧні чоохтап пирген (Эсф 7:1—6). Аның алнында, ол ораза тудып, Иеговаа ізенчеткенін кӧзіткен (Эсф 4:14—16). Иегова аның киректерін алғастап, аны паза позының чонын арачылап алған.

Сині иреелепчетселер, Иеговадаң полызығ сурын паза улуғ кізілернің піреезіне, кӧзідімге, іҷе-пабаңа, чоохтап пир. Иегова Эсфирьге полыс пирген, аннаңар ікінҷілебе: ол сағаа хайди даа полыс пирер. Сині иреелепчетселер, паза ниме идерге чарир?

«ЖИЗНЬ ПОДРОСТКА. ИЗДЕВАТЕЛЬСТВА В ШКОЛЕ: ЧТО ДЕЛАТЬ?» ТІП ВИДЕОНЫ КӦРІП АЛЫП, НАНДЫР:

• Чииттер Чарлинең Фериннең нимее ӱгрен поларлар?

  Минің нандыриим

• Чарлинің паза Фериннің сӧстерінің хоостыра, палазын школада иреелепчетселер, іҷе-пабазы ниме ит полар?

  Минің нандыриим