WENDELU WA UKIDISTÁ
Dyelela Kwa Jihova Kyoso ki Udisanga ni Mukwa Kulokalala
O ilokalalu itena kutubhekela ndolo yavulu ku mukutu ni mu ukexilu wa kudivwa. Yene itena we kutuzozesa mu nzumbi, se tu teketa kyoso ene kyamutuxongwena mukonda dya Ubhezelu wetu. Kyebhi ki utena kudilanga ku mukwá kulokalala?
Abhezi avulu a Jihova, ene muditunda kyambote mukudibhana ni akwâ kulokalala, mu kudyelela kwa Jihova. (Jis 18:17) Mu kifika, Estele wazwela phala kutungununa o jindunge jayibha ja muthu mukwa kulokalala, amwixanene Hamane. (Est 7:1-6) Ande dya kubhanga kiki, mwene walondekesa kwila wadyelele kwa Jihova, mu kujejuwala. (Est 4:14-16) Jihova wabesowala yoso yabhange Estele, walange mwene ni mundu Wê.
Minzangala, se kumoneka muthu wamukulokalala, bhinga kikwatekesu kwa Jihova, zwela ni muthu wamudyelela, kala o jitata jé, yalungu ni maka uwamubhita nawu. Utena kudyelela kwila Jihova wandakukwatekesa, kala kyakwatekesa Estele. Ihi dingi i utena kubhanga phala kudibhana ni ilokalalu?
TALA O VIDYU O MWENYU WA UNZANGALA—KYEBHI KI NGITENA KUDIBHANA NI ILOKALALU? MUKUSULUKA TAMBWIJILA O IBHWIDISU YAKAYELA:
-
O minzangala atena kudilonga ihi mu phangu ya Charlie ni Ferin?
-
O jitata atena kudilonga ihi mu ima yazwela Charlie ni Ferin, yalungu ni kukwatekesa o twana twâ kudibhana ni kilokalalu?
