Ab’omwagha bangana leka ithwabya n’obulhumi kinyamubiiri n’omw’iyowa. Nibya bangana tsandya obughuma bwethu na Yehova thwamubaha bakahakanisya eriramya lyethu. Wanga yitheya wuthi okwa b’omwagha?

Abangyi b’okwa baramya ba Yehova babirithoka erisingura ab’omwagha omw’iyikethera Yehova. (Esy 18:17) Ng’eky’erileberyako, ahathe eribisirira, Esiteri mwabisulha embitha nyibi ey’omulhume ow’omwagha ya Hamani. (Esi 7:1-6) Abere athali akolha ekyo, Esiteri mwakangania kw’ayikethere Yehova omw’itsira akalyo. (Esi 4:​14-16) Yehova mwatsumulha eby’akolha, amamutheya, kuthya n’abandu biwe.

Abalere, omundu amukulethako omwagha, saba Yehova y’obuwathikya kandi bwira omundu oyukulire okwa kitsibu kyawu, obundi ng’ababuthi bawu. Iwangana yikethera ngoku Yehova akendi kuwathikya ngoku anawathikaya Esiteri. Ni kindi kyahi ekya wanga kolha erithoka erighumira omwagha?

MULEBAYE EVIDIYO ENGEBE YAGHE Y’OBULENGWA—NANGA GHUMIRA INDI OMWAGHA? MWANASUBIRYA OKWA BIBULYO BINO:

• Ni kyahi eky’abalere bang’ighira okwa ky’erileberyako kya Charlie na Ferin?

  Eky’erisubirya kyawu

• Ababuthi bang’ighaki okwa ebya Charlie na Ferin babugha ebihambire okw’iwathikya abaana erithoka erighumira ab’omwagha?

  Eky’erisubirya kyawu