Bantu betwendeleka bakonsha kwituba kyatama ku mubiji ne mu milanguluko. Kabiji inge ke twi bachine na mambo a kwamba byatama pa bupopweshi bwetu bafwainwa kwitonawina bulunda bwetu ne Lesa. Mwakonsha kwizhikijila byepi ku bantu bemwendeleka?

Bapopweshi ba Yehoba bavula bashinda bantu bebendeleka mambo baketekela mwi Yehoba. (Sl 18:17) Eshita wachinchikile pa kuba’mba asanzemo Hamane muntu wakanamine waendelekelenga bantu ba Lesa. (Esh 7:1-6) Saka akyangye kuba bino, Eshita wamwesheshe’mba waketekejile mwi Yehoba byo azhikijilwe na nzala. (Esh 4:14-16) Yehoba wapesheshe mingilo yanji ne kumuzhikijila aye ne bantu ba Lesa.

Anweba banyike, inge babena kwimwendeleka, lombai Yehoba kwimukwasha. Kabiji buulaiko ne mwina Kilishitu wakoma mu maana lukatazho lo mubena kupitamo nabiji bansemi benu. Mwafwainwa kushiinwa’mba Yehoba ukemukwasha byonka byo akwashishe Eshita. Ñanyi bintu bikwabo byo mwafwainwa kuba inge babena kwimwendeleka?

TAMBAI VIDYO WA KUBA’MBA ANWEBA BANYIKE—NAKONSHA KUBA BYEPI INGE BABENA KUÑENDELEKA? NE KUKUMBULA ANO MEPUZHO:

• Banyike bakonsha kufunjilako ka kwi Charlie ne Ferin?

  Nembaipo mukumbu wenu

• Nga bansemi bakonsha kufunjilako ka ku byambo bya kwa Charlie ne Ferin pa byo bafwainwa kukwasha baana babo kuyuka bya kuba na bantu bebendeleka?

  Nembaipo mukumbu wenu