LIV YU LAYF LƐK KRISTIAN
Abop pan Jiova we Pɔsin Tek Advantej pan Yu
We dɛn tek advantej pan wi dat kin ambɔg wi wɛlbɔdi ɛn mek wi at pwɛl. Dɛn kin ivin ambɔg wi padi biznɛs wit Jiova mɔ if wi fred bikɔs dɛn de agens di we aw wi de wɔship Jiova. Aw yu go protɛkt yusɛf frɔm pɔsin we kin lɛk fɔ tek advantej pan yu?
Bɔku pan Jiova in savant dɛn dɔn ebul fɔ bia we dɛn tek advantej pan dɛn bay we dɛn abop pan Jiova. (Sam 18:17) Fɔ Ɛgzampul, Ɛsta bin tɔk bɔt di bad plan dɛn we wan man we nem Eman bin gɛt. (Ɛst 7:1-6) Bifo i du dat, i bin kip fast fɔ sho se i abop pan Jiova. (Ɛst 4:14-16) Jiova bin blɛs wetin Ɛsta du ɛn i bin protɛkt in ɛn in pipul dɛn.
Jɔs lɛk Ɛsta, if yu gɛt pɔsin we de tek advantej pan yu, aks Jiova fɔ ɛp yu ɛn tɔk to wan machɔ pɔsin lɛk yu mama ɔ papa bɔt di prɔblɛm. Gɛt kɔnfidɛns se Jiova go ɛp yu jɔs lɛk aw i bin ɛp Ɛsta. Us ɔda tin yu go du fɔ bia we dɛn tek advantej pan yu?
WACH DI VIDIO WE GƐT DI TAYTUL—MI LAYF AS TINEJA-AW A GO BIA WE DƐN DE BULI MI? DƆN UNA ANSA DI KWƐSTYƆN DƐN WE DE DƆŊ:
Wetin yɔŋ wan dɛn kin lan frɔm Chali ɛn Fɛrin dɛn ɛgzampul dɛn?
Wetin mama ɛn papa dɛn kin lan frɔm wetin Chali ɛn Fɛrin tɔk bɔt aw fɔ ɛp pikin dɛn fɔ bia we dɛn tek advantej pan dɛn?
