Ŋ WAŊNUŊ MAA ŊKILISIƆŊ
Dɔu Tiindaŋndo o Chɛhowa Niŋ Te a Wa Num Pɛ Sɔɔŋ Wɔɔŋndo Tosallo
Mi sɔɔŋ wɔɔŋ nda tosal naa woŋ paaliaŋ naa tau nduyɛ miŋ luei naa nyɛ nɛiyaa. Te waŋnda wa pɛ sɔɔŋ wɔɔŋndoŋ dimioo a piɛile naaleŋ okɔɔ mi keŋ tosa miŋ tambu kɔl tau, nduyɛ te ŋ ve yekeŋ te miŋ tɛɛmbuu chaŋyɛi naŋ nɔ a Chɛhowa ve. Vɛɛ ŋ manda yɛ numpila te waŋnda dimi pɛ sɔɔŋ wɔɔŋndoŋ a num okɔɔ?
Wanaa bɔɔbɔɔ cho Chɛhowa piɛiyo wa sɔla niŋ batiuwaa, le sɔɔŋ wɔɔŋ nda dimi a nda okɔɔ woŋ biuwɔŋndo, le mɛɛ nda dɔu tiindaŋ ndaa o Chɛhowa niŋ yɛ. (Sam 18:17) Le tamaseliiyo, mi Ɛsita chɔɔmuu kɛɛsiaala wɔɔŋnda Hemaŋ ndoo tosa le nda nyɛpalaa tusioo cho wo. (Ɛsita 7:1-6) Tuupa mbo tosa hei, mbo chɔm laalaŋndo o Chɛhowa niŋ Sanaa a sumndo biyɔɔ. (Ɛsita 4:14-16) Mi Chɛhowa duau ndu sala le nyɛ o tosa wo, nduyɛ mbo chiindiaa ndu vɛlɛ a wanaa nduaa.
Feleŋguaa, te wanaa dimi sɔɔŋ wɔɔŋndoŋ a naa okɔɔ wa simul nya pɛ, la nyuna Chɛhowa le malaa nduyɛ mi la soo o wanaa kendu o Mɛlɛka piɛiyo niŋnda lo a ndi okɔɔ, mɛɛ wanaa veelu nya wa cho nuaa yɛ. Nɔ tiindaŋndo maa Chɛhowa cho num mala mɛɛ o mala Ɛsita yɛ. Yɛɛ cheleŋ nya nɔ yɛ mi la tosa le mi la biunuŋ sɔɔŋ wɔɔŋ waŋnda dimi a naa okɔɔ woŋ?
LA TOOFA VIDUEIYO HOO, O FELEŊGUƆƆYƐI NII NIŊ, VƐƐ YA BIUNUŊ YƐ SƆƆŊ WƆƆŊ WAŊNDA DIMI A NAA OKƆƆ WOŊ? OKOŊ MI LA MULI NYUNALAŊ NDAŊ:
-
Yɛɛ feleŋguaa pɛɛku yɛ o tamasi Chale nda filini wo niŋ?
-
Yɛɛ kaalaŋ chuauwa pɛɛku yɛ o nyɛ Chale nda filini dimi wo niŋ, te o hiŋ pɛ a chuauwaa ndaa malaa le ma biuŋ sɔɔŋ wɔɔŋ nda dimi a naa okɔɔ woŋ?
