ပှၤမ့ၢ်မၤနၢၤအီၣ်ဃီၣ်ပှၤန့ၣ် အမၤဘၣ်ဒိ ပနီၢ်ခိ တကးဒံးဘၣ် မၤဘၣ်ဒိပသးသ့. ဖဲပှၤမၤနၢၤအီၣ်ဃီၣ်ပှၤ ဒီးထီဒါ ပတၢ်ဘူၣ်တၢ်ဘါအခါ ပမ့ၢ်ပျံၤတၢ်န့ၣ် အမၤဘၣ်ဒိ ပတၢ်ရ့လိာ်သးဒီး ယဟိဝၤယွၤသ့စ့ၢ်ကီး. အဃိ ပှၤမ့ၢ်မၤနၢၤအီၣ်ဃီၣ်ပှၤန့ၣ် ပဒီသဒၢလီၤပသး ကသ့ဒ်လဲၣ်.

လၢအပူၤကွံာ်န့ၣ် ပှၤလၢအဘူၣ်ထီၣ်ဘါထီၣ် ယဟိဝၤယွၤတဖၣ် သန့ၤအသးလၢ ယဟိဝၤယွၤအဃိ အဝဲသ့ၣ် လဲၤခီဖျိဝဲ တၢ်မၤနၢၤအီၣ်ဃီၣ်န့ၢ်ဝဲ. (စံး ၁၈:၁၇) အဒိ နီၢ်အ့ၤစတၢ်န့ၣ် တဲတၢ်ဒူဒူ ဒ်သိး ကပာ်ဖျါထီၣ် စီၤဟၤမၣ် အတၢ်ကူၣ်လၢအအၢအသီ. (အ့ၤ ၇:၁-၆) တချုးလၢ အမၤဝဲဒ်န့ၣ်ဘၣ်အခါ အဝဲပာ်ဖျါထီၣ်လၢ အသန့ၤအသးလၢ ယဟိဝၤယွၤ ခီဖျိဒုၣ်တၢ်အီၣ်. (အ့ၤ ၄:၁၄-၁၆) အဃိ ယဟိဝၤယွၤ ဆိၣ်ဂ့ၤအီၤ, ဒီသဒၢအီၤ ဒီးအပှၤဂီၢ်မုၢ်တဖၣ်.

ဒ်နီၢ်အ့ၤစတၢ်အသိး ပှၤမ့ၢ်မၤနၢၤအီၣ်ဃီၣ်နၤန့ၣ် ဃ့ယဟိဝၤယွၤ အတၢ်မၤစၢၤ ဒီးတဲဘၣ် နမိနပါ မ့တမ့ၢ် ပှၤလၢအဒိၣ်တုာ်ခိၣ်ပှဲၤတဂၤဂၤ. ယဟိဝၤယွၤမၤစၢၤ နီၢ်အ့ၤစတၢ်အဃိ နနာ်သ့သပှၢ်ကတၢၢ်လၢ အဝဲကမၤစၢၤနၤ. ပလဲၤခီဖျိ တၢ်မၤနၢၤအီၣ်ဃီၣ်ပှၤ ကန့ၢ်အဂီၢ် ပကဘၣ်မၤဒံးမနုၤလဲၣ်.

ကွၢ်တၢ်ဂီၤမူလၢ အခိၣ်တီမ့ၢ်ဝဲ ယသးစၢ်အခါ—ပလဲၤခီဖျိတၢ်မၤနၢၤအီၣ်ဃီၣ်ပှၤ ကသ့ဒ်လဲၣ်, ဝံၤဒီးစံးဆၢ တၢ်သံကွၢ်လၢ တၢ်ဖီလာ်တဖၣ်အံၤ–

• ပှၤသးစၢ်တဖၣ် ဟံးန့ၢ်တၢ်မၤလိလၢ ခၠါလဲ ဒီးဖရံ အအိၣ်ကသ့ဒ်လဲၣ်.

  ကွဲးလီၤတၢ်စံးဆၢ

• ပမ့ၢ်ကွၢ် ခၠါလဲ ဒီးဖရံ အတၢ်ကတိၤန့ၣ် ပသ့ၣ်ညါဘၣ်လၢ ဒ်သိးဖိတဖၣ် လဲၤခီဖျိ တၢ်မၤနၢၤအီၣ်ဃီၣ် ကန့ၢ်အဂီၢ် မိၢ်ပၢ်တဖၣ် မၤစၢၤအဖိ ကသ့ဒ်လဲၣ်.

  ကွဲးလီၤတၢ်စံးဆၢ