Bisombolo lenda lembisa beto mpe sala ti beto vanda kaka na basusi. Ntangu bantu yina ke zolá ve Bambangi ya Yehova ke sombolá beto, ya lenda sala ti kiminu ya beto vanda dyaka ve ngolo. Yinki lenda sadisa beto na kuvanda ve na boma ntangu ba ke na sombolá beto?

Bisadi mingi ya Yehova yina tulá ntima ya bawu na yandi kwizá nunga. (Nku 18:17) Na kifwani, Estere vandá ve na boma ya kuzonza bamambu yina Amani, muntu yina vandá na ntima ya yimbi vandá sosa kusala. (Est 7:1-6) Tekila yandi sala yawu, yandi tulá ntima ya yandi na Yehova ntangu yandi mangá kudya. (Est 4:14-16) Yehova sakumuná bangolo ya yandi. Na yawu, yandi bumbá Estere na dikanda ya yandi.

Bantwenya, ntangu ba ke sombolá beno, beno sosa lubakusu na Yehova mpe beno zonzila mambu yina ke na kwamisá beno na mpangi mosi yina ke ya kukula na kimpeve. Ya lenda vanda bibuti ya beno to mukristo ya nkaka. Na yawu, beno zimbana ve ti Yehova ke sadisa beno faso yandi salak’ yawu na Estere. Yinki beno lenda sala dyaka ntangu ba ke sombolá beno?

TALA VIDEO LUZINGU YA MUNU YA NTWENYA: YINKI MU LENDA SALA SI MUNTU KE NA SOMBOLÁ MUNU. MPE NA MANIMA PESA MVUTU NA BYUVU YAYI:

• Yinki bantwenya lenda longoka na bifwani ya Charlie na Ferin?

  Mvutu ya nge

• Na yina me tadila faso ya kusadisa bana ya bawu ntangu ba ke sombolá bawu, yinki bibuti lenda longoka na bamambu yina Charlie na Ferin me zonza?

  Mvutu ya nge