ZINGU KIA KIKRISTU
Bunda Yave e Vuvu Vava Ovezuanga
O luvezo lulenda kututwasila mpasi muna nitu ye muna ngindu. Lulenda sia nkutu e kimwanda kieto mu vonza avo bayantikidi kutuvumisa yo kutubangika mu kuma kia nsambil’eto. Aweyi olenda kuyitanina muna luvezo?
Ndonga muna asambidi a Yave, besundanga luvezo muna bunda e vuvu kwa Yave. (Nku. 18:17) Kasikil’owu, Estere wamokena yo ntinu yo sengomona o makani mambi ma Amani wa kimpumbulu. (Est. 7:1-6) Vitila kavanga wo, wasonga vo wabundanga Yave e vuvu muna fionkonona. (Est. 4:14-16) Yave wasambula Estere yo kuntanina kumosi yo nkangu andi.
Aleke, avo nuvumisu, nulomba lusadisu lwa Yave yo mokena ye mpangi zazikuka nze mase meno yo kubazayisa e diambu dikunutokanesanga. Nukala ye ziku vo Yave okunusadisa wauna kasadisila Estere. Adieyi diaka nulenda vanga muna zizidila luvezo?
TALA E VIDEO, ZINGU KIAME KIA KILEKE—AWEYI NDENDA ZIZIDILA LUVEZO? I BOSI, VANA E MVUTU ZA YUVU ILENDE:
-
Adieyi yeno aleke nulenda longoka muna mbandu a Charlie yo Ferin?
-
Adieyi mase balenda longoka muna mvovo mia Charlie yo Ferin muna diambu ditadidi sadisa o wana bazizidila luvezo?
