BUUMI BWA BWINEKLISTU
Amucinke Manungo Muli Yehova Bamwi Ndyebatomupensha
Beshikutupensha inga batupa kulinyumfwa cibiibi. Alimwi na twaloonda ndyebatopikisha kulambila kwesu, bushicibusa bwesu a Yehova inga bwanyonyooka. Ino nshiinshi nsheenga mwaciita kwaamba ayi mulishitilishe kubaabo bamupensha?
Basebenshi bakwe Yehova baanji bakacikonsha kukoma baabo bakalinga kubapensha kwiinda mukucinka manungo muli Yehova. (Kulu 18:17) Kucakubonenaako, Esita wakayubulula muyeeyo wakalinga kucite Amani shikupensha mubiibi. (Esit 7:1-6) Sombi kaatana kucita boobo, wakatondesha ayi wakalinga kucinka manungo muli Yehova kwiinda mukulikasha kulya. (Esit 4:14-16) Yehova wakamupa shoolwe Esita pa sheesho nshaakacita alimwi wakamushitilisha pomwi abantu bakwe.
Nobacanike, na kuli muntu utoomupensha, amusenge Yehova kwaamba ayi amucaafwe, akulwiitako muntu munene ushimpite lwakumushimu lipenshi ndyemucite. Kucakubonenaako, inga mwalwiitako bashali banu. Inga mwashoma cakutatonsha ayi Yehova alaakumucafwa bweenka mbwaakacafwa Esita. Ino nshiinshi shimwi nsheenga mwaciita na kuli utoomupensha?
AMWEEBELE VIDYO ICITE MUTWI UTOKWAAMBA AYI BUUMI BWANGU BWA KUBWANIKE—INO INGA NDACITA BUYANI NA BAMWI BATOOMPENSHA? LYALO AKUKUMBULA MIIPUSHO ITOKONKELAAWO:
-
Ino nshiinshi bacanike nsheenga beeya kucakubonenaako cakwe Charlie a Ferin?
-
Ino nshiinshi bashali nsheenga beeya ku sheesho Charlie alimwi a Ferin nshebaamba pamakani akucafwa baana kushiba nsheenga bacita na kuli utobapensha?
