VELEI MAA NƐƐ KOLAI MAA VEAITIƐ TE TA ŊETEAI ƔƐƐ LA
Yee La Jehova Ma Ani Ta Ɣɛna Ŋɛɛ Wulozu E Zu
Ta ɣɛna ŋɛɛzu e ma, towa faa vɛɛ e lɔtɔi ɓɔga ya ɣi-gaa-ziɛi va. Towa faa vɛɛ ɓalaa da Ɣala feli velei va ani ta ɣɛna de zosu ga yowũa na ɣa ɣɛɛna diɛ luo. Ya leve ɣɛ le e ɓɔɔ maazu vɛtɛ?
Jehova ʋeli veaitiɛ te lamaa ta lo ɓɔɔ kpã ani ta ɣɛna ŋɛɛzu te ma, zaɓui ɣa ga ta yee la Jehova ma. (Ps 18:17) Ma wo-kɔ̃ɔ-mai ta ɣa ga Esther, e yɛpɛni ga e faa yowũi nii wulu wulo Haman ɣɛni deʋezu. (Es 7:1-6) Ɔ́ vɛɛ na ɣɛɛzu, e dɛɛni ga zee laavɛ Jehova ma ga tei e zi dɔɔni. (Es 4:14-16) Jehova tuuyiɛ looni ma, e maazu vɛtɛ e vɛɛ feli veaitiɛ va.
E ɣɛ velei Esther kɛɛni la, ani nu ɣa ɣɛna ŋɛɛ wulozu e zu, Jehova ɣaa-zaɣa-kɛ ga e ɓɔ e va. Na ɣa ɣɛɛna yɛpɛ nu wutii taniga wɔ e vile ba, tanisu e ɣaa veaitiɛ. Laala ga Jehova ɣa ɓɔ e va e ɣɛ velei e ɓɔni la Esther va. Zɛɓɛi wɔnɔ yà kɛ ga e ɓɔ è va e lo kpã?
A WƐLƐ ƲILIOGI NII VA NÀ NU NIINƐ ZIƐGI ZU—GÀ LEVE ƔƐ LE GA GE LO KPÃ ANI NUI TA ƔA ŊƐƐ WULOZU SU? NA ƔA ƔƐƐNA WO GAA-ZAƔA-KƐƐ NIITIƐ ƔAA WOTE:
-
Zɛɓɛi nu niinɛitiɛ ta maa woli Charlie ɓɔga Ferin ta wo-kɔ̃ɔ-mai zu?
-
Zɛɓɛi duu kɛɛ veaitiɛ ta maa woli nii zu Charlie ɓɔga Ferin te boga, e vile velei va ta ɓɔ la te leaitiɛ va?