BŪMI BWA BENE KIDISHITU
Kulupila Mudi Yehova Pobakufutulula
Kafutululo kalengejanga twiivwane bibi ku ngitu ne mu malango. Shi tuzakale kitatyi kyobalwa mutōtelo wetu, tubwanya kuzōza ku mushipiditu. Le i muswelo’ka obwanya kwikinga abe mwine ku kafutululo?
Batōtyi bavule ba Yehova babwenye kūminina kafutululo na kukulupila mudi Yehova. (Ñi 18:17) Kimfwa, Eseta wēsambile mwanda wa kusokwela patōka nkuku mibi yākutyile Hamane muntu mubi wa kafutululo. (Ese 7:1-6) Kumeso kwa kulonga kino, wālombwele amba ukulupile mudi Yehova na kushikilwa na nzala. (Ese 4:14-16) Yehova wāmwesele ne kumukinga aye ne bantu bandi.
A nkasampe, shi bakufutulula lomba bukwashi kudi Yehova, ne kusapwila’mo muntu mutame pamo bwa mbutwile obe uno mwanda. Kulupila’mba Yehova ukakukwasha, monka mwaākwashishe Eseta. Le i bika bikwabo byobwanya kulonga?
TALAI VIDEO, MU KUSONGOLA KWAMI—LE I MUSWELO’KA OMBWANYA KŪMININA KUFUTULULWA? KUPWA LONDOLOLAI BINO BIPANGUJO:
-
Le i bika bibwanya kwifunda bankasampe ku kimfwa kya Charlie ne Ferin?
-
Le i bika bibwanya kwifunda bambutwile ku binenwa bya Charlie ne Ferin bitala pa kukwasha babo bana muswelo wa kūminina kafutululo?
