CHIYOYELO CHAVAKA-KULISHITU
Pendaminenu Hali Yehova Mangana Mufungulule Muka-Kumiyanjisa
Vaka-kutuyanjisa vanahase kutuzeyesa kumujimba namuvishinganyeka. Nge natuvevwa woma kachi nge vanafumbukila kwitava chetu, kaha vanahase kutuzeyesa kushipilitu. Uno vyuma muka navimikafwa vahone kumiyanjisa?
Vangamba jaYehova vavavulu vanafungululanga vaka-kuvayanjisa hakupendamina hali Yehova. (Ji 18:17) Chakutalilaho, Eseta ahamukile kuhanjika vyuma ajinyine kulinga Hamane lunga wavilinga vyavipi. (Ese 7:1-6) Shimbu kanda alinge ngocho, asolwele ngwenyi apendaminyine hali Yehova hakulitwamina kulya. (Ese 4:14-16) Yehova amukiswile havyuma alingile, kaha nawa amukingile hamwe navatu jenyi.
Enu vakweze, kachi nge mutu ali nakumiyanjisa, kaha lombenu Yehova amikafwe, nakulweza ukalu wenu ndumbwenu wakuhya kushipilitu wakufwana nge chisemi. Fwelelenu ngwenu Yehova mwamikafwa ngana muze akafwile Eseta. Vyuma vyeka muka mwatela kulinga mangana mufungulule muka-kumiyanjisa?
TALENU VINDIYO YAKWAMBA NGWAVO, CHIYOYELO CHAMI CHAUKWEZE—NGUNAHASE KUTWALAHO NGACHILIHI KUMIKA NGE VANAKUNGUYANJISA? KUFUMAHO KUMBULULENU VIHULA VINAKAVANGIZAHO:
-
Vyuma muka navalinangula vakweze kuli Charlie naFerin?
-
Vyuma muka navalinangula visemi kuvyuma ahanjikile Charlie naFerin kutalisa kumwakukafwila vana vavo vafungulule vaka-kuvayanjisa?
