Antu achinishaña anateli kutukatisha kumujimba hela kutuneñesha muyitoñojoka. Anateli kutumanishila wubwambu wetu naYehova neyi tuyitiya woma hampinji yinakudimbululawu kudifukula kwetu. Munateli kudikiña ñahi kudi akakuchinisha?

Akakudifukula aYehova amavulu omikaña neyi anakuyichinisha kuhitila mukumushindamena Yehova. (Ms 18:17) Chakutalilahu, Esita wahosheli kulonda yafuñununi yitoñojoka yamukakuchinisha watama wejina daHamani. (Esi 7:​1-6) Henohu kanda eli mwenimu, wamwekesheli nindi wamushindameneni Yehova kuhitila mukushakama chakadi kuda. (Esi 4:​14-16) Yehova wamukiswilili hachuma cheliliyi, wamukiñili yena niantu jindi.

Enu atwansi, neyi kudi muntu wunakuyichinisha, mulombenu Yehova ayikwashi nawa lejenumu apama, chidi neyi anvwali jenu. Mwatela kwiluka chikupu nenu Yehova wukuyikwasha neyi chamukwashiliyi Esita. Yumanyi yikwawu yimwatela kwila hakwila muumiki neyi anakuyichinisha?

TALENU VIDIYO YINAKWILA NAWU HINICHIDI KANSI—NATELI KUSHINDA ÑAHI KUKALA NEYI ANAKUNKABISHA? NAWA AKULENU AWA MALWIHU ANALONDELIHU:

• Yumanyi yatela kudizilaku atwansi kudi aCharlie naFerin?

  Ñakwilu yenu

• Anvwali anateli kudizila kwodi kumazu ahosheliwu aCharlie naFerin hakukwasha anyana neyi anakuyichinisha?

  Ñakwilu yenu