Jaku kubʼ qnaʼn nya bʼaʼn ex jaku tzaj qbʼis qa noq in che molestarin txqantl qiʼj. Ax ikx, jaku tzaj nya bʼaʼn tiʼj qamiwbʼil tukʼil Jehová qa ma txi qqʼoʼn ambʼil tuʼn qtzaj xobʼ kywitz qeju in che xmayin tiʼjju nimen quʼn. ¿Tiʼ jaku bʼant tuʼna qa noq in che molestarin txqantl tiʼja?

Tbʼanel qa ma jyona onbʼil tukʼil Jehová ex atzun jlu o bʼant kyuʼn nim tmajen (Sl 18:17). Jun techel, mintiʼ tzaj xobʼ Ester tuʼn t-xi tqʼamaʼn aju otoq kubʼ t-ximen Hamán, jun xjal nya bʼaʼn tmod ex tajtoq tuʼn tok tbʼinchaʼn nya bʼaʼn tiʼj ttnam Jehová (Est 7:1-6). Pero tej naʼmxtoq tbʼant jlu tuʼn, ayunarin tuʼntzun tkubʼ tyekʼin qa jyon onbʼil tukʼil Jehová (Est 4:14-16). Tuʼnju bʼant jlu tuʼn Ester, tzaj kʼiwlaʼn tuʼn Jehová, xqʼuqin tiʼj ex kyiʼj t-xjalil.

Aya kuʼxun, jaku txi tqanina onbʼil te Jehová qa noq in che molestarin txqantl tiʼja ex jaku txi tqʼamaʼna aju in bʼaj tiʼja te juntl xjal ik tzeʼn te tmana moqa te ttxuʼya. Jaku tzʼok qeʼ tkʼuʼja tiʼj qa kʼonil Jehová tiʼja ik tzeʼn onin tiʼj Ester. ¿Tiʼ mas jaku bʼant tuʼna qa noq in che molestarin txqantl tiʼja?

OTOQXI TZʼOK TKEʼYINA VIDEO QA TZMA KUʼXUNA: ¿TIʼ JAKU BʼANT WUʼNE QA NOQ IN CHE MOLESTARIN TXQANTL WIʼJE?, TZAQʼWENXA QE XJEL LU:

• ¿Tiʼ xnaqʼtzbʼil jaku tzʼel kyiʼn kuʼxun tiʼjju bʼaj tiʼj Charlie ex Ferin?

  Tzaqʼwebʼil

• ¿Tiʼ xnaqʼtzbʼil jaku tzʼel kyiʼn mambʼaj tiʼj video lu?

  Tzaqʼwebʼil