Nga batushendumuna twasa kuliziba manene kuzeya. Kutushendumuna kwasa kuzeyesa busamba bwetu na Yehova nga batushendumuna mwafwa ya kulemesa Yehova. Bika byasa kumikwasa nga bamishendumuna?

Kukulahela Yehova kunakwasa bangamba ba Yehova babangi keti belukile munima nameme banakala na kubashendumuna. (Mya 18:17) Cakumwenako, Esita wendekele mukemwo wasele kujombolola butumbe bwabubi bwakele nabwo Hamane uje wakele na kubalwisa. (Esi 7:1-6) Simbu kanda alinge ngoco, wamwesele ngwendi wakulahelele Yehova mwalyuminine byakulya. (Esi 4:14-16) Yehova wabezikisile Esita na kumunyungilila hamolika na banu bendi.

Babaha, nga kukala umo amishendumuna, co lombeni Yehova amikwase na kusimutwiya bya bukalu bweni na munu umo wa kukola wa kufwa ngwe cisemi ceni. Kulaheleni ngweni Yehova amikwasa ngwe lika mwakwaselele Esita. Bika bikwabo bimwasa kulinga nga bamishendumuna?

KENGENI VIDIO YA BYUMA BYALINGIWILE KU BWANIKE BWANGE—BIKA BYASA KUNJIKWASA NGA BANJISHENDUMUNA? KUTUNDAHO, KUMBULULENI BIHULA BINATAKO:

• Babaha, mulilongesa bika kuli Charlie na Ferin?

  Cikumbululo ceni

• Bisemi mulilongesa bika ku mwanja wa Charlie na Ferin mumwasa kukwasela bana beni nga bali na kubashendumuna?

  Cikumbululo ceni