WIˈIX JYUKYˈATYË DIOS MËDUUMBË
Pën axëëk myajtuny, aˈoogë Jyobaa
Ko pën axëëk xytyuˈunëm, mbäät mëk njäˈäwëm ets xypyäˈämduˈunëm. Per mbäät nanduˈun xytyukmëjagamgakëmë Jyobaa ko xyˈatsëˈkëmë jäˈäy mëdiˈibë xytyukmëtsipˈäjtëm tijaty nmëbëjkëm. ¿Ti mbäät xytyuny ko pën axëëk mdunëdët?
Nimayë Diosmëduumbë mëdiˈibë axëëk yajtuundëp, të tmëmadäˈäktë mët ko ttukˈijxpattë Jyobaa (Sal. 18:17). Extëm nˈokpëjktakëm ja reyna Ester, ijt jotmëk ko ojts tnimaytyaˈaky ti nety tyunaambyë Hamán, tuˈugë jäˈäy mëdiˈibë myëtsipˈäjtë Diosë kyäjpn (Est. 7:1-6). Per mä duˈun tkatunyëm, jawyiinë Jyobaa tmënuˈkxtaky ets yˈayuˈäjty (Est. 4:14-16). Jyobaa ojts tkunuˈkxyë Ester ets ja nax käjpn.
Ënäˈktëjkëty pën jam pën mˈaxëktunyëty, amdowë naybyudëkë Jyobaa, tukmëtmaytyäˈägë mdääk mdeety o tuˈugë nmëguˈukˈäjtëm mëdiˈibë mdukjotkujkˈäjtypy. Ets mbäät mˈity seguurë ko Jyobaa mbudëkëyanëp extëm tpudëjkë Ester. ¿Ti mbäät xyˈaktuny?
KO NETY TË YAˈIJXTÄˈÄYË BIDEO KO MˈËNÄˈKˈATY: ¿TITS NDUNËP KOTSË NMËGUˈUKTËJK AXËËK XYTYUNDËT?, TA YAˈˈATSOOWËMBITËT MËDIˈIBË YÄÄ YAJTËËPY:
-
¿Ti mbäät tyukniˈˈixëdë ënäˈktëjk yëˈë yˈijxpajtënë Charlie mëdë Ferin?
-
¿Ti tukniˈˈijxëdëbë uˈunktääk uˈunkteetyë yäˈädë bideo?