Kan bann dimounn arsel nou, sa kapav fer nou soufer lor plan fizik ek emosionel. Ek si nou les laper trap nou kan zot boufonn nou bann krwayans, sa kapav mem afekte nou lamitie avek Zeova. Kouma to kapav protez tomem kan enn kikenn arsel twa?

Boukou serviter Zeova inn resi fer fas ar sa sitiasion-la kan zot inn kont lor Zeova. (Ps 18:17) Par exanp, kan Amann ti pe fer bann move kitsoz, Ester pa ti res trankil. Olie sa, li ti koze ek ti rakont seki Amann ti pe fer. (Es 7:​1-6) Me avan ki Ester fer sa, li ti gard karem pou montre ki li ti kont lor Zeova. (Es 4:​14-16) Zeova ti beni so bann zefor ek li ti protez Ester ek So pep.

Zenn, si enn kikenn pe arsel twa, rod led Zeova. Lerla koz sa problem-la ar enn adilt ki ena lexperyans, kouma par exanp, to bann paran. To kapav sir ki Zeova pou ed twa parey kouma li’nn ed Ester. Ki bann lezot kitsoz to kapav fer kan enn kikenn arsel twa?

GET VIDEO MO LAVI ADOLESAN—KOUMA MO KAPAV FER FAS AR ARSELMAN?, EK APRE SA, REPONN SA BANN KESTION-LA:

• Ki bann zenn kapav aprann ar lexanp Charlie ek Ferin?

  To repons

• Ki bann paran kapav aprann ar bann komanter ki Charlie ek Ferin fer, pou ed zot zanfan fer fas ar arselman?

  To repons