Ukutucuzya kungalenga twasakamala sana. Nupya kungalenga tutoovoke ndi cakuti twatandika ukutiina pali vino yakulanda iviipe api iuvi litu. Mungacita uli pakuti yatamicuzya?

Ya kapepa yakwe Yeova aingi yakataila muli aliwe asi mulandu ya kuyacuzya. (Masa. 18:17) Wakwe, Esita walandiilepo nu kusokolola mapange ya muntu umwipe Hamani uwacuzyanga Ayuda. (Esita 7:1-6) Lino atatala wacita vivyo, walangilile ukuti wataile Yeova lino watiile ukulya pa manda yatatu. (Esita 4:14-16) Yeova wamupaazile pali vino wacisile nu kumucingilila pamwi na antu yakwe.

Mwe yacance, ndi cakuti umwi akumicuzya mungaleenga kuli Yeova ukuti amwazwe, nupya munganenako umwi uwakula muli vyakwe Leza pa ntazi iyo, wakwe avyazi. Mungasininkizya ukuti Yeova alamwazwa wakwe vino wazwile Esita. I vyani vyuze vino mungacita pakuti mwazizimizya lino yakumicuzya?

TAMBINI VIDYO YAKUTI: VINO SWE YACANCE TUKAPITAMO—NINGAZIZIMIZYA ULI LINO YAKUNCUZYA? ALINO MWASUKE MAUZYO ALONDELELAPO:

• I vyani vino acance yangasambilila kuli ya Charlie naya Ferin?

  Casuko

• I vyani vino avyazi yakusambililako kuli vino ya Charlie naya Ferin iyalanda lino yakwazwa anao ukuzizimizya lino ya kuyacuzya?

  Casuko