Ro rej kõmãnniñ ak kaamijak kõj remaroñ kõm̦m̦an bwe jen metak im kõm̦m̦an ad lukkuun bũrom̦õj im inepata. Rein remaroñ bar kam̦õjn̦o̦ikl̦o̦k jem̦jerã eo ad ippãn Jeova ñe jej mijak kõn aer jum̦ae ad kabuñ ñan E. Ewi wãween am̦ maroñ kõjparok eok jãn juon eo ej kõmãnniñ ak kaamijak eok?

Elõñ iaan ri-karejar ro an Jeova em̦õj aer lo tõprak ilo aer kar jum̦ae ro rej kaamijak er ikijjeen aer atartar ioon Jeova. (Sam 18:17) Ñan waanjoñak, Ester ear kõnono bwe en maroñ kwal̦o̦k bũl̦ããn ko an ri-nana eo etan Heman me ej kaamijak e im ri-Ju ro. (Est 7:​1-6) Ak m̦okta jãn an kar kõm̦m̦ane men in, ear kwal̦o̦k an lõke im atartar ioon Jeova ikijjeen an kar jitlo̦k. (Est 4:​14-16) Innem Jeova ear kõjeraam̦m̦an jerbal ko an im ear kõjparok e im armej ro an.

Jo̦dikdik ro im ro reddik, ñe juon armej ej kõmãnniñ ak kaamijake eok, kajjitõk ippãn Jeova bwe en jipañ eok im kõnono ippãn juon eo erũtto kõn apañ in am̦, ãinwõt jinõm̦ ak jem̦am̦. Kwõmaroñ lukkuun tõmak bwe Jeova enaaj jipañ eok ãinwõt an kar jipañ Ester. Bõtab, bar ta men ko kwõmaroñ kõm̦m̦ani ñan kijenmej ñe juon eo ej kõmãnniñ ak kaamijak eok?

ALWÕJE PIJA EO ETAN MY TEEN LIFE—HOW CAN I COPE WITH BULLYING? INNEM UWAAKE KAJJITÕK KEIN ITULAL̦:

• Ta eo jo̦dikdik ro im ro reddik remaroñ katak jãn joñak ko an Charlie im Ferin?

  Uwaak eo am̦

• Ta eo ro jemãn im jinen ajri ro remaroñ katak jãn naan ko an Charlie im Ferin ikijjeen wãween aer maroñ jipañ ajri ro nejier ñe renãj iioon juon eo ej kõmãnniñ ak kaamijak er?

  Uwaak eo am̦