D WILG TƖ D YAA KIRIS-NEB HAKƖƖKA
Teeg-y-yã a Zeova, ned sã n wa bugsd yãmba
Ned sã n bugsd a to, tõe n kɩtame t’a tar toog a yĩngẽ wã la sũ-sãamse. D sã n bas tɩ b sẽn gɩdg d tũudmã kẽes-d rabeem, tõeeme meng n sãam tõnd ne a Zeova zoodã. Ned sã n wa bugsd yãmba, bõe la y tõe n maan tɩ sõng-yã?
A Zeova Kaset rãmb wʋsg tõog n talla raoodo, neb sẽn wa n bugsd-ba, b sẽn teeg a Zeova wã yĩnga. (Yɩɩn. 18:17) Wala makre, a Ɛstɛɛr talla raoodo, n vẽneg bũmb ning a Haman sẽn da yaa nin-wẽngã sẽn da magd n na n maanã. (Ɛst. 7:1-6) A loee noore, n wilg t’a teega a Zeova ne a sũur fãa. (Ɛst. 4:14-16 ) A Zeova ninga bũmb nins a sẽn maanã fãa barka, n koglg yẽ la a nin-buiidã.
Kom-bɩɩse, ned sã n wa bugsd yãmba, pʋʋs-y-yã a Zeova n kos-a sõngre, la y bao sagls neb tẽeb sẽn bɩ nengẽ. Wala makre, y roagdbã. Y tõe n kɩsa sɩd tɩ wa a Zeova sẽn sõng a Ɛstɛɛrã, a na n sõnga yãmb me. Ned sã n wa bugsd yãmba, bõe me la y tõe n maan tɩ sõng-yã?
GES-Y VIDEO WÃ: BI-BƖƖLMÃ ZU-LOEESE—NED SÃ N WA BUGSD MAAM, BÕE LA M TÕE N MAAN TƖ SÕNG-MA? RẼ POOR BƖ Y LEOK SOGSGÃ:
-
A Charlie ne a Ferin mak-sõngã tõe n sõnga kom-bɩɩsã tɩ b bãng bõe?
-
Yam-bʋg la roagdbã tõe n dɩk a Charlie ne a Ferin kibarã pʋgẽ n sõng b kambã, neb sã n wa bugsd-ba?