Alipa ooroxa ananwerya onitannyerya wiicela wa mmwiilini ni wa mmuupuweloni. Awo tho ananwerya onanariha mukhalelo ahu woomunepani wakhala wi ninnakhala awuumaanyeya vaavaa awo anaakaahaaya malapelo ahu. Muni mwiikhapelele hai wa muchu yoowo onooroxani?

Moorweela wa omuroromela Yehova alapeli ancipale annakhumelela phaama wa achu yaawo anaaroxa. (Sal 18:17) Ntoko yootakiherya, Ester aahiloca wi uupulule soolakelela sa namaroxa oonanara awiichaniwa Hamani. (Est 7:1-6) Ahaakumve weerano yeeyo, owo aahooniherya omuroromela wawe Yehova moorweela wa wiinanela. (Est 4:14-16) Yehova aahireeliha saweera sawe nave aahimukhapelela vamoha ni achu awe.

Amiravo, wakhala wi munnahoolela oroxiwa, mumveke Yehova nikhaviheryo nave muloce ni munna awiichwelavo ntoko asitiithi anyu, vooloca sa nikacamiho nanyu. Nyuwaano munanwerya ororomela wi Yehova onahaala wookhaviheryaani hiihaa ntoko aamukhavihenreiye Ester. Echu taani ekina munaphwanelaanyu weera wi mvilele ni oroxiwa?

MOONE EXILEMA EKUMI YA AMIRAVO NI ASIMWALI—KINI KIWERYE HAI OVOOTHA OROHIWA? NAVE VOOCHARELA MWAAKHULE MAKOHO ANACHARELA:

• Tiheeni amiravo anahuseryaaya ni yootakiherya ya Charlie ni Ferin?

  Naakhulo nanyu

• Tiheeni asitiithi anahuseryaaya orweela wa yeeyo Charlie ni Ferin aloncaaya vooloca sa waakhaviherya anamwane ovilela ni oroxiwa?

  Naakhulo nanyu